独家丨梁祖尧被Auntie Fans追影笑晒冇诈型 行西贡特色市集冒雨听歌周身郁

梁祖尧好忙，娱乐圈好似乜都关佢事，做舞台剧、节目主持及拍剧，食店开幕见到佢、《大离婚日——妻》公演又见到佢捧场、仲出埋食谱，睇佢IG自我介绍，除咗演员仲系厨师及业馀农夫，身份多到呢。一向知阿祖好支持领养动物，又撑小店，上周六，西贡搞咗个特色市集，以上两样嘢有齐之馀仲有歌听，虽然落住雨，但都见到阿祖留咗好耐，仲冒雨听年轻乐队唱歌，全程拍手又拍片，仲被Auntie Fans追影兼集邮。采访:金泰亨

祖祖坐喺地下冒雨睇Turbulent表演。

上周六，前身为「西贡公立学校」但经过修复后发展成为历史保育项目的「The Kungers。公立」举行市集，特设宠物领养、动物按摩工作坊、鸟类教育工作坊及生活市集等，甚至有一线乐队ToNick表演。

有嘢玩有嘢食仲有嘢学嘅市集，睇吓只狗狗几得意。

祖祖好有心
当日前商台DJ麻利都有同星级身心灵修行者梦妮坦开档，卖零极限缩骨遮兼做慈善解梦塔罗，祖祖同两人好老友，落住雨都捧场。见祖祖行匀几个有猫有狗有雀有兔领养的房间，仲逗留好耐，真心想了解更多动物领养资讯。ToNick表演前有5人后生仔Band Turbulent负责暖场，由于一直落住雨，虽然唔算好大，但唔拎遮会湿罗，不过祖祖懒理，笠住外套顶帽就坐埋一边欣赏，见佢睇得好投入，不时拍手又摇摆自己，听到主音叫观众Follow佢哋IG，有心嘅祖祖即拍片放上IG仲Tag返对方。然后有Auntie走入观众堆，一见到祖祖即打招呼，仲行埋一边拍低祖祖淋住雨听歌嘅雄姿，虽然被镜头对住，但祖祖无话黑面仲做晒表情任Auntie影，最后Auntie更成功雨中集邮，呢张相特别咯。

祖祖同麻利合照。

祖祖同梦妮坦。

麻利同梦妮坦的档口。

祖祖抱住待领养兔兔影相助宣传。

好受欢迎的动物领养。

祖祖(左六)喺动物领养房间逗留咗好耐。

5人后生仔Band Turbulent负责暖场，祖祖(左一)本来企住听。

人人都拎住遮，但祖祖唔想拎遮阻住自己拍手，睇佢睇得几投入。

愈落愈大雨，祖祖就咁笠住顶帽就算

祖祖睇到周身郁

Auntie发现祖祖即主动同佢打招呼。

Auntie有好强摄影瘾，行埋一边继续影，但祖祖无避镜头。

Auntie最后仲成功同祖祖雨中集邮。

祖祖拍低Turbulent表演。

祖祖一边拍一边摇摆自己。

祖祖拍完片放上IG Tag对方。

由于落大雨SET台需时，ToNick表演时祖祖已离开。

虽然落大雨但无阻观众热情。(图片@jonathanlausc)

特色市集。(图片@jonathanlausc)

ToNick唱足四首歌。(图片@jonathanlausc)

唱嘅HIGH听嘅更HIGH。 (图片@jonathanlausc)

 

 

 

《星岛头条》新网站有更多精彩内容：http://www.stheadline.com/