恒生密密出招拓展大湾区市场

大湾区通关之后嘅营商气氛极速升温，香港贸发局趁势喺上星期复办通关后首个跨境商贸论坛SmartHK，畀各大企业发掘湾区内紧密发展嘅商机，吸引到商界猛人云集，包括近排马不停蹄嘅恒生银行一姐Diana 亦带领众管理层组团到广州参与。

恒生管理层分别参与SmartHK唔同活动，仲特别支持当中嘅大湾区青年企业家峰会，讲到明一直同青年创业家同行，如果企业发展大湾区时有咩需要，银行会尽力提供支援。

听闻恒生为咗迎合大湾区中小企需要，嚟紧会推出更多配合跨境服务需要嘅数码方案，甚至增强网点服务，令到企业喺大湾区营商更加方便。

讲起要拓展大湾区，原来恒生中国喺2007年成立至今都即将近廿年，大湾区内地业务已经占佢哋业务三分之一，所以恒生一直睇实通关嘅时机，喺香港同广州都设立咗跨境财富管理中心，无论内地同香港都可以双向咁服务跨境理财客，据闻短期内仲会「添食」，好快就喺内地开多一间跨境财富管理中心。