星8卦丨「唱得」坚持用「畜牲」做幕后 随时累全家要停工
2023-06-16 11:20 
「唱得」又再开show，因为饿咗几年，大家报复式抢飞，唔驶讲一开就爆晒，呢排「唱得」唔敢接电话，因为争人一身飞债。其实佢仲有一样嘢烦，就系佢搵咗嗰位幕后制作人，就系近期人人闻风丧胆嘅「畜牲」。
「畜牲」喺呢行好多年，但一直都唔系好够斤両，全部都系求求其搞掂，终于早排出咗大事，害咗一个大好青年，断送人哋嘅一生，佢又好似无乜嘢咁。其实「畜牲」无料归无料，但胜在有人缘，或者擦鞋功夫劲啩。好似「神经」啲show系人都想做，易出名又好数期，啱啱出事无耐，「神经」都谂住继续搵佢揸𨋢，但反对嘅声音系100%，「神经」无奈唯有放弃。
「畜牲」咁得人心系因为佢超级机会主义者，最叻系擦啲歌星鞋，而且高明得很同人人交心，又氹到啲经理人好开心，送唔少着数，但对下面嘅工作人员就呼呼喝喝，非常无礼貌，总之就系见高拜见低踩。「唱得」份人好有性格，认定系嗰个都好难叫佢改变主意，依家主办方唯有话万一「畜牲」要上身惹官司，随时累到佢个show开唔到，希望可以令「唱得」清醒些少，唔好再摆埋嗰种大爱feel，俾机会人哋翻身，其实系累全家。
【相关文章】：
星8卦丨「公子」好赌成性 「痴情」劝睇心理医生继续赌分手收场
星8卦丨「细细粒」为帮「大大只」求财求子迫全家人食斋 搞到阿仔心脏出事仍未知死
《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应