独家丨《造星V》大热亨仔争气宣言:请打沉我嘅人睇我演唱会 Anson扮有钱仔剧情需要

《全民造星V》十强已诞生，跟《头条日报》早前独家披露的名单一样。26岁唱得又大只的亨仔（陈镇亨），击败同样唱得的乐乐晋级，由严重缺乏自信的喊包变自信仔，更有说话同曾经睇死佢嘅人讲。另外，在澳洲修读读物理治疗的「有钱仔」Anson Wong（王俊文）跟拥一双电眼又好有Energy的James（Garcia James Cunanan），虽同样未能打入十强，但强调唔会放弃做歌手的梦想。采访：杜杜 摄影：孔子

亨仔获得大量赞赏，自信返晒嚟，仲话吐气扬眉𠻹。

亨仔冇自信全因唱歌从未获赞赏，陈爸爸亦未赞过一句，亨仔表示打入十强自信返晒嚟，「导师、朋友、网民又好，好开心大家认同我把声，原来我唱歌系好听。」亨仔坦认有种吐气扬眉感觉，叫他跟曾经打沉他的人讲两句，「我一定会邀请你嚟演唱会，开到（演唱会）嘅话，哈哈！」

亨仔访问时全程双手互握，表现紧张。

亨仔好眼浅睇卡通片都喊

亨仔自选最深刻演出，是首轮自弹自唱《寂寞先生》，因为向梦想行近了一大步，加上得到网民激赞，「佢哋都feel到我有感情摆落去，唔系纯粹炫耀技巧，我真系摆个心落去唱，多谢网民睇到呢样嘢。」而评判陈咏燊的评语亦令出名「喊包」的他睇一次喊一次，「佢同我分享失败经历，我哋好似，所以好有connection好深刻。」亨仔虽然大只但非常眼浅，「就算睇卡通片都可以喊得出。（最近几时喊过？）早几日睇返自己pre-round，哈哈！」

自认喊包的亨仔，隔几日就喊一次。

由以往冇人欣赏，到现在有hangjaihkfansclub支持，亨仔已经好满足，仲话唔需要Fans花钱做应援，只要将来有作品和开show肯到场已经够，更向Honey(Fans昵称)承诺，「如果我有能力，我会买啲应援等佢哋唔使畀钱。」不过Honey已整好灯牌，留待2日（周日）十强记招支持佢。另外亨仔亦趁机澄清，「有fans话我个样好似好恶咁，因为太大嚿，其实我好友善。」正于港大修读机械工程4年级的亨仔，最想下年毕业后可出道做歌手，「网民都几锺意我把声，当然希望有唱片公司都欣赏我把声啦！如果ViuTV欣赏我把声更加好，希望能够出道，唱多啲歌畀大家听。」

亨仔的TG群组名称即是Fans Club的名称，一得闲就上水多谢Fans支持及应援。

虽然亨仔唔想Fans嘥钱做应援，但Fans唔觉得嘥钱，睇吓灯牌几靓。

中学时代已夹band的亨仔，最期望以乐队形式出道，「单飞唔系自己风格，玩咗咁多round觉得团体赛先有意思，对于做音乐或追梦，有兄弟都会好啲。」亨仔已有心水队友，「（陈）蕾老师搵我哋拍MV《伸缩自如的爱》嗰啲铁胆（Kim、Nathan、Tiger Foo），再加Anson Wong同希晋，因为我哋同组好多次，大家faith好啱，玩嘅音乐风格都似，角色好分明，和音边个做，埋位一jam就知，好有默契。」

亨仔中学已开始夹Band，参加《造星V》令他更认清发展方向。

陈蕾《伸缩自如的爱》搵来亨仔及Kim、Nathan、Tiger Foo组Band拍摄。

Anson非有钱James望组男团

25岁在澳洲大学修读读物理治疗的Anson Wong（王俊文），最令观众印象深刻是他自认有钱仔，不过他澄清自己并非真有钱，只是配合制作组搞气氛。「我个角色系有钱仔，现实唔系，经过呢半年嘅比赛都要食树叶咁滞。」即场测试他够唔够贴地，问他「长者乘车优惠，有人建议提升到几多岁？」、「旺角去圆方的港铁路线？」及「红的起表价？」除了第一题唔识答，其他都轻易答啱。8月尾返回澳洲实习的他，希望毕业后入行做歌手，「由细到大都系想做歌手，有人话我识乐器会唔会谂吓做唱作人，但我写作都系啱啱开始，唔敢讲一定做创作型歌手。」

Anson外形官仔骨骨，被误认有钱仔都好正常。

Anson虽未能晋身20强，但识弹琴及弹结他，可向唱作人方向发展。

Anson澳洲读物理治疗，明年正式毕业。

22岁菲律宾跟西班牙混血儿James，在节目中经常表现出澎湃Energy，丝打们更力赞其一对蓝色电眼靓到黐线，当事人澄清只是贪靓戴了蓝色隐形眼镜，「有一排对眼长期红色，决定唔戴咁耐。」虽然比赛40强止步，但梦想做男团的他仍希望组男团出道，「自己发展有少少孤单，我系靠team spirit嘅人，畀Energy人都会收到人哋Energy。」

经常狂嗌Energy的James，访问时亦充满活力。

James戴了蓝色隐形眼镜，一对电眼Charm过王锋。

一直梦想组男团的James，希望未来可以男团身份出道。

 

《星岛头条》新网站有更多精彩内容：http://www.stheadline.com/