独家丨林作视网膜脱落做紧急手术 裕美形影不离照顾融化林母：好感动

裕美今日凌晨于社交网代男友林作出po报平安，写道：「刚刚做完重大手术，刚醒。」图中见两张林作身穿紫色手术袍，左眼紧闭，右眼盖住纱布，趴睡病牀上相。文：方骞平

林作刚接受大手术。

个半小时修补视网膜手术，手术顺利。

网民取笑林作入院割包皮及被裕美家暴。

亦有追问他趴喺度瞓系咪入院割痔疮？也有祝他早日康复。

林母王莉妮(Lily)接受《星岛头条》独家访问时透露儿子视网膜脱落要接受紧急手术，她语带担心说：「可能佢呢排谂嘢太多，工作压力又好大，休息少，希望林作快啲好返，可以喺下月我嘅生日会上做主持，同场仲有麦玲玲及吕校长，𠵱家考虑紧叫埋佢女友(裕美)，因为今晚见佢有帮手照顾林作，我都好感动，我经已返咗屋企休息，馀下时间交畀佢(照顾)。」之前林母曾嫌弃裕美结过婚及学历低，问到是否肯接纳裕美？她态度软化说：「有时有啲嘢唔恨得咁多，人生苦短一切要看开。」

Lily好锡独仔林作。

林母王莉妮(Lily)好紧张个仔。

Lily最想儿子搵到个高学历女友。

母子二人相依为命。

林母给林作最好生活环境。

母子感情一向唔错。

上周六下林作为加密货币兑换店，做一日店长时仍相当生猛。

当日裕美继续系跟得女友，贴身照顾。

裕美表示，上周六和林作结伴去朋友饮宴，当时林作右眼开始不适，滴过眼药水，瞓醒后仲蒙查查，而且有啲头晕，眼科医生诊断他视网膜脱落，若果不及时做手术嘅话，两周后就变得好难搞，昨晚林作马上入院，晚上十点半接受手术，做咗个半钟，手术顺利，贴心女友裕美说：「手术后我怕佢趴睡瞓得唔好瞓，所以先返屋企搵啲嘢畀垫住个头，转头返去陪佢。」

多年来裕美同林作Sweet到爆。

两人恋情经得起多年考验。

林作唔理阿妈「关水喉」，勇敢找寻真爱。

两人都好重视对方。

另类放闪做法。

林作私下好嗲裕美。

两人经常打情骂俏。

林作经常送花畀女友。

携手经过患难，两人应该好事近。

虽然会有拗撬，但都能和好如初。

裕美为林作付出真爱。

对于她形影不离照顾林作融化咗林母，她却大感意外，带点疑惑道：「佢接纳咗我？我唔知呀，今次系林作人生第一次做手术，所以大家都好紧张，阿作妈妈及男友都有嚟医院。」问到系咪好嘅开始时？裕美坦白说：「其实我未有时间消化太多，因为手术后要趴睡，我只系全心全意赶返屋企DIY一个头枕畀阿作，半夜送去医院畀佢，等佢趴睡时透到气。不过，林作妈妈临走时有交托我睇住阿作，咁都开心嘅，佢好安心将个仔交畀我，我都好多谢佢。」

林作即用美美爱心头枕。

头枕令林作趴睡时透到气。

裕美漏夜赶回家为林作DIY头枕，半夜送返医院。

裕美系体贴女友。

裕美条件都唔差。

诱人牀照。

美美人品唔错。

美美真诚感动到林母。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ