CoCo李玟逝世丨李思林消瘦现身忍痛唱李玟出道作 参加《中年好声音》为鼓励细妹
2023-07-30 23:00 
天后李玟（CoCo）本月5日骤然离世，终年48岁，其家属将于明日于北角香港殡仪馆为李玟举行丧礼，并于傍晚6时至10时设有公祭，李玟二家姐李思林（Nancy）日前宣布将于明日下午4时开始，进行网上直播，让未能来港的粉丝亦能隔空送别李玟。虽然丧礼于明日下午举行，但李思林今日仍与其他《中年好声音》歌手，现身屯门录影TVB节目《大笪地唱不停》，并接受《东张西望》访问。
【相关阅读】：李玟CoCo丧礼丨明设灵家人预告直播灵堂实况 老公继女或现身致悼念词成焦点
【点击睇李思林消瘦现身】：
李思林在访问中全程语带哽咽，双眼通红一脸倦容，但仍不时与妹妹李玟一样，努力在镜头前展现灿烂笑说。李思林透露，她去年参加《中年好声音》时，细妹李玟的情绪已经好低落，报名是为鼓励妹妹：「我为咗正面影响佢，自己努力，我都要佢努力。因为我都唔系一个唱歌嘅人，咁老先去参加比赛，先去努力，我希望可以刺激到佢唔好向负面谂，佢当时都好努力，个个星期都有睇，所以我想继续努力。」
个个星期准时开心收看
李思林更表示原本曾想过以后不再唱歌，觉得所有事都徒劳无功：「初头我谂住以后唔唱歌，所有音乐嘅嘢都唔做，因为我觉得我咁辛苦呈现畀佢睇我嘅努力，但好似冇用。而家喺度倾偈，其实可能谂谂下，嗰段时间有参加（《中年好声音》），佢个个星期都加油打气，陪我睇、听我唱，令佢可能再行远咗几个月。佢嗰时都好正面去睇，个个星期都准时收睇，好开心，呢样嘢令佢同家人嘅时间多咗。」
李玟丧礼在明天举行，但李思林今日却现身节目录影，原来她自己亦想过缺席演出，怕会情绪思控，不过得到妈咪及家姐李秋林的鼓励：「我听到要唱歌，系有嬲咗，『都系唔唱喇，帮唔到人嘅』，家姐同妈咪一听到就话『梗系唔系咁啦，你阿妹实会想你唱，唔好放弃。』妈咪话每一次唱歌啲人都会谂起阿妹，其实都系提醒每一个人，继续传递妹妹嘅正能量同笑容。」主持随时为李思林打气，而李思林亦说：「我会努力。」
亲回Bruce争产传闻
另外，李思林亦有接受TVB娱乐新闻台访问，回应之前李玟丈夫Bruce的争产、遗弃昔日李玟战衣的传闻。李思林说：「佢（李玟）之前已经分居咗，大部份衫都冇拎走，留低喺之前住嗰间屋。我知佢锺意边几件衫，想帮佢着靓靓，送佢最后一程。」李思林续指：「搵唔到，大部份晚装都冇晒，知道佢好锺意某一两件衫，都系一种物件啫，冇咗咪买返畀佢着罗。」提到Bruce的争产传闻，李思林则表示：「其实记者讲之嘛，都唔系我口中讲。」
【其他文章】：
CoCo李玟逝世丨丧礼明香港殡仪馆举行 粉丝提前送花牌5个字道尽思念之情
CoCo李玟逝世丨粉丝买巴士站广告送偶像最后礼物 精心选图骄人成就逐样数
CoCo李玟逝世丨李玟老公Bruce发声明称不会争产 称有人恶意造谣保留追究权利
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应