独家丨19岁林智乐开到口想攞新人奖 等足3年先出派台歌好难受

林智乐（Felix）2021年参加《声梦传奇》入行，等足3年终推出新歌《忘记趁早》，他坦认等待日子好难顶，而要A0的他唱情歌，只能借别人的经历来演绎。未来他希望推出自家创作，更想冲击新人奖。采访：杜杜 发型:Anthony Wong 化妆: Kyo Lee

Felix想新歌以四季或人生做主题，被笑老积似凭《中年好声音》出道。

《忘记》MV在港拍摄， Felix希望下次可到日韩取景。

Felix新歌《忘记趁早》讲年轻人感情唔成熟，经常会扮洒脱想同前度斗快忘记对方。不过未有拍拖经验的他，全靠朋友帮手才能投入感情演绎，「我问朋友有冇发生过呢啲故仔，好彩都有喎！就攞咗佢哋咁刻骨铭心嘅经历嚟投入罗！」而他最开心邀请Christopher Chak写歌成功，「由细到大都好锺意佢嘅作品，《富士山下》、《搜神记》及《锺无艳》等好多hit歌，作为歌手点都要搵佢写一首歌，但冇谂过咁快搵到大师级帮我写歌。」

A0的Felix要投入感情唱歌及演戏，全靠借人经历加幻想。

入行3年，19岁的Felix好满意目前发展。

自己写歌向唱作人发展

出道3年才推出首支派台歌，Felix坦认等待过程绝不好受，「难顶㗎！我有催系咪可以快啲出，好惊今年都出唔到，自己都有调节心情，就算怀疑又点，都改变唔到，唯有唔好谂咁多。」去年收到可以出歌消息正值拍摄剧集《回归》，他笑言本想尖叫但要忍住，「都要扮冷静㗎！记得我收到demo时，听咗半首歌，就俾人叫埋位。」

较同是《声梦》出身的冼靖峰和孙汉霖迟出歌，Felix曾经心灰。

Felix主持音乐节目《Music Break》，有机会开Live跟乐迷互动。

Felix想尝试轻快或R&B曲风，更已开始写歌，希望未来能推出自家作品，「都写咗两首，一首同Aska（张驰豪）一齐写，但未有适合时机出，觉得好好听。」他虽然满意目前发展，但承认好贪心，想有更多机会，「好嘢冇人会嫌多，所以想今年出多一、两首歌，应该都有机会。」而每个歌手只有一次竞逐新人奖机会，Felix都好恨拥有，「梗系想攞到啦，又冇话攞唔到会好失望，不过一定会尽全力去做。」

除了唱歌和主持，Felix早前有份拍摄剧集《回归》。

Felix主持港台节目《港乐‧讲乐》，令他获益良多。

 

《星岛头条》新网站有更多精彩内容：http://www.stheadline.com/