星8卦｜「肌肉」最爱𡁻完唱虾姐姐娶完老婆帮手还债俾天收

2023-08-29 11:00

今日见到「肌肉」俾老婆虾到无地方企，识佢嘅人都觉得心凉。「肌肉」当年恃住有型又大只，冧到「姐姐」神魂颠倒，可惜两个人年龄有差距，「肌肉」拍拖到后期，亦借助「姐姐」嘅名气帮自己上咗位，系时候出去沟吓妹妹仔，「姐姐」好快就知道，无奈同佢分咗手，但最嬲系乜呀？佢竟然喺健身室周围唱，讲到自己好劲，将「姐姐」嘅床上反应同班男人分享。

之后嘅「恶姐」同埋「美女」都系大「肌肉」一截，佢又零舍得呢类有咁上下斤两，但芳心寂寞嘅女强人欢心，而且个个有钱，都好照顾佢嘅生活，但久而久之𡁻完唱呢个劣行亦喺圈中传开，大家都对佢敬而远之，亦无办法同圈中女人行埋。

「肌肉」后来因为开工识咗志同道合嘅「樱花」，两个人一拍即合，「樱花」完全唔知本土发生乜事，加埋「肌肉」表现温柔体贴，「樱花」好快就提出结婚。殊不知「樱花」老家原来负债累累，咁急同「肌肉」结婚就系谂住多个人帮吓手还债，而且一个人又穷又恶，对呢位外地女婿一啲都唔客气，「肌肉」一世人衰口贱，而家俾人收，真系天地有正气。