独家丨陈健朗拍《那年》压力大暴瘦15磅 提绯闻女友Jace即落闸

去年凭电影《手卷烟》夺金像奖新晋导演后，陈健朗首次执导ViuTV剧集《那年盛夏我们绽放如花》，由于预算紧绌拍摄又极赶，超大压力搞到暴瘦15磅，他希望剧集反应好，未来可拍电影版。提到绯闻女友陈凯咏，阿朗一听女方名字即封口，「呢啲我唔答你㗎喎！答到打畀你，哈哈！」等你电话呀。采访：杜杜

阿朗希望似偶像北野武，导演及演员双线发展。

阿朗在疫情下执导《那年盛夏》，难度更高。

 阿朗跟编剧何肇康和凌伟骏识于微时，三人组成奋斗team搞创作。几年前阿康曾推出连登悬疑校园故仔《已读不回死全家》，因为劲受欢迎再出实体书，阿朗觉得啱拍剧集，就改编成《那年盛夏我们绽放如花》，「何肇康同我讲写咗本书闹我，因为我以前成日唔覆message，我睇完觉得本书好有潜质去拍摄，𠵱家改咗唔系现代系Y2K年代，但主线冇大改。」问阿朗有冇打算自导自演？「发掘紧一啲儿时嘅经历做题材，搵紧有咩情感想透过自己演及导去表达，希望40岁前拍到啦！」

阿朗强调全部角色均靠试镜，完全冇理演员人气。

该剧台前幕后都相当年青，阿朗觉得似一齐去Ocamp一同成长。

拍剧如玩命

至于阿朗锺意执导电影定剧集，他苦笑：「我锺意资源多啲，哈哈！」阿朗认为拍剧有另一种执行的难度，「因为太短，但我喜欢有种慢慢去拍嘅温度，慢工出细货，要超高频率去做，点样去维持你心目中追嘅质素，呢个先系最难，叫我快唔系唔得，好唔好睇呢？！但有啲场口冇办法，唯有尽量每集比例，揸到有二分一唔系水过鸭背。」由于压力大令他暴瘦15磅，「入咗个状况，挂住谂嘢都唔知有冇食到嘢，个脑用得太劲，仲狂饮咖啡，除非资源松动啲，唔系真系玩命，玩唔到好多剂，燃烧生命去制作。」短期内他都不想再执导剧集，反而想将《那年》搬上大银幕，「希望今次出嚟反应好，有机会拍电影版。」

阿朗指欧镇灏乜都惊跟角色最似，「熟咗大家成日笑佢，连雀仔都惊，搞咩？！」

阿朗睇中邱彦筒口硬心软最似角色，「佢个底有大爱一面，好想保护人。」

提到有指陪被环球雪藏的陈凯咏（Jace）到日本旅行散心，阿朗即落闸，「呢啲我唔答你㗎喎！你问我创作任讲，感情问题一律不回答，答到打畀你，哈哈！」

阿朗跟陈凯咏绯闻传足几年，但两人都没有正式承认。

阿朗凭电影《手卷烟》夺金像奖新晋导演，令执导机会增加。

《星岛头条》新网站有更多精彩内容：http://www.stheadline.com/