张致恒公开结扎手术详情！竟无问过老婆 称之前意外怀孕：冇谂过自己咁强
2023-09-21 11:00 
现年38岁的张致恒（Steven）与老婆区燕雯（雯雯）多次闹婚变，却又继续生B，被封网民封为「离婚界KOL」。老婆雯雯月初再诞第四胎，日前张致恒宣布做结扎手术，即再被网民封「结扎KOL」。原来张致恒在数日前已经完成手术，昨晚在IG直播公开结扎手术详情，更透露过程只需15分钟，相当迅速。
【相关阅读】：张致恒接仔放学竟遇途人做一举动 曾遭陌生人指骂：想掟你落垃圾桶
【点击睇张致恒讲结扎】：
张致恒透露在数日前已经进行结扎手术，又表示在诞下二仔天牧时，已经想过结扎：「但系我一直觉得做手术好似畀啲伤口自己，所以一直唔敢去做。」至于生到第四个囝囝时，终于决定结扎，张致恒解释指：「第一，系老婆身体，因为佢生第四个好伤，同一个伤口，四年割四刀，所以好记得之前有人问点解唔叫老婆去做结扎，因为我觉得四个就够，同埋真系唔系特登去追，真系唔小心，冇谂过自己能力咁强，哈哈。」
家计会要排半年：惊唔小心又有咗
张致恒认为结扎是男人责任：「作为四个小朋友嘅爸爸，我觉得唔好再畀呢件事持续落去，我觉得如果再想要小朋友嘅话，咪再搵多啲钱嘅时候去领养一个，我觉得好多小朋友好惨，天生出嚟做孤儿。」张致恒表示最初想在家计会做手术，不过因为要排期太长时间，张致恒还表示家计会要排至少半年：「我惊半年唔小心令到老婆又有咗。」
张致恒强调无赞助要畀钱
张致恒指自己上网再找资讯去找日间医疗中心做手术，又透露并无赞助：「梗系要畀钱啦！呢啲边有人会赞助。」又表示医疗中心与家计会的价钱相差不大。有网民留言闹爆：「死都唔戴袋（安全套）。」不过张致恒也反驳说：「边个话你知我冇戴袋？你瞓喺我床下底呀？」之后又说用安全套不等于完全安全。
身为四子之父的张致恒又表示有小朋友是缘份，能够养育他们是福气：「为咗自己几个仔，为咗老婆又好，为咗大家食花生又好。以前啲人觉得结扎好唔知点咁，其实结扎系一件好简单嘅事，真系系咁意抽两条管出嚟切咗佢，而家好多都系微创手术，15分钟，做完休息一个钟，等麻醉药过咗，顺利去第一次小便，咁就可以走喇。」
张致恒自揭手术后床事进展
不过原来结扎也有麻烦事，张致恒说：「最烦系要剃晒啲毛，因为我成身都系毛。」张致恒又表示麻醉药过后：「有小小㾓㾓哋，因为佢条根系扯住小腹，硬系有啲㾓㾓痛，但唔系好多，好少嘅啫。」现在伤口已经不会再痛。张致恒还鼓励年轻人做结扎手术：「一来可能你唔想要小朋友，二来你生够，又想维持（性）生活，唔想咁麻烦，结扎其实系好嘅。」
被问到为何公开做结扎手术，张致恒笑说：「我见大家食开花生，咪讲吓罗。」之后才认真说：「其实我想话畀大家听，结扎唔系一件咁恐怖，亦都唔系一件咁老土嘅事。」至于结扎完有否行房，他即说：「我老婆啱啱先生完仔冇几耐咋喎！」不过张致恒亦透露刚结扎完，只是建议不要太激烈或太大动作，不过同时透露要「排咗啲货先」：「因为头20次都会残留咗啲精子喺度，所以头三个月都要做避孕措施。」张致恒还表示做结扎前无徵求过老婆雯雯意愿。
张致恒直言经济仍有问题
至于继「离婚KOL」后，变成「结扎KOL」，张致恒笑说：「冇乜所谓，你锺意点咪点罗，都系一个名啫，最紧要大家开心，有个娱乐性畀到大家，咁咪冇所谓罗。」张致恒在直播中亦多谢粉丝继续支持他：「冇你哋嘅支持，我谂我唔够胆再面对世人，真系嘅。」有网民问到张致恒现在经济有无问题，他笑说：「点会冇问题，有边个会嫌钱腥，系咪先？」
张致恒预告做YouTuber
近日成功转变形象变好爸爸的张致恒，被网民问到如何令小朋友多喝水，他亦大方分享：「水壶可以摆啲水果落去浸住佢，有少少水果味，甜甜哋，啲小朋友基本上都会饮。」至于如何同时间凑四个小朋友：「努力罗！加油罗！」张致恒更展示银白发根：「你睇我凑到啲白发出晒嚟，啲须都白晒。」张致恒在直播中表示想再拍戏外，亦透露之后会拍YouTube，分享小朋友生活。虽然在直播中，除细仔外，三个囝囝都有分别出镜，而老婆雯雯并无出镜，但亦一直有在后面「出声」照顾小朋友。
【其他文章】：
张致恒宣布结扎！「离婚KOL」四年抱四 称为家庭负上最大责任
张致恒宣布有重大决定！ IG贴抱仔相：好荣幸做到四个儿子嘅爸爸
张致恒老婆雯雯宣布顺利诞B！ 晒可爱B相：欢迎来到我们的大家庭
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应