独家丨庄韵澄享受每日驾50分钟车送仔返学 两岁半囝囝识得拖妙龄姐姐只手

庄韵澄(庄端儿)因患巴陶氏症，去年留唔住第2胎需人工流产，伤心过后更积极人生，将全副精神放落宝贝仔吕崇滈(波子)身上。转眼间波子已两岁半，今年9月入读一间国际学校幼稚园学前班，家住大埔的庄韵澄夫妇，每日揸50分钟车接送儿子到东涌返学，廿四孝父母真系唔易做。采访：方骞平

波子放学时见到妈咪，开心得手舞足蹈。

坐完近一小时车程，波子返到学校皱晒眉。

庄韵澄曾痛失第二胎。

由于波子之前上咗一次「分离班」，已适应独自返学，返到屋企仲好好唱口，将学到嘅歌仔唱畀父母听。眼见儿子日渐长大，庄韵澄好开心，「佢嘅年纪未识得同小朋友玩，返学时都系黐住老师疯狂唱歌及跳舞，玩得好开心，老师对佢好好，𠵱家佢越嚟越进步，开始肯跟同学仔一齐转圈，渐渐学到合群同埋冇咁怕丑。」

放学前15分钟，学校会安排家长入课室跟子女互动，一齐玩游戏。

波子年纪小，仍然未懂合群，暂时爱自己玩。

囝囝人细鬼大
庄韵澄笑言囝囝唔怕丑，仲识得搵姐姐嚟拖。「放学前15分钟，学校会安排家长入课室同学生一齐唱歌及玩游戏，有时波子会拖第2个姐姐，亦有其他小朋友认错咗我系佢嘅妈咪。𠵱家佢识得落车后自己行入校园，亦一定头也不回，仲主动拖住接待处嘅妙龄姐姐。」不过，凑仔亦有唔少忟憎时候，「佢年纪细，车程又耐，未瞓醒落车就扭计，又要求带埋心爱嘅海洋生物毛公仔返学，甚至要拎走学校嘅公仔，唯有𠱁住佢。」

波子仔好可爱。

精灵活泼。

庄韵澄强调自己唔系「虎妈」，安排儿子入读国际学校只想佢多啲活动教学，如跟家长一齐耕种及接触动物亲亲大自然：「东涌校舍大，既然读得开心咪读落去，亦冇打算搬屋，驾车路上可以争取亲子时间。」庄韵澄更打算陪儿子一齐学琴培养兴趣，亦未有计划为波子生个细佬或妹。

做咗阿妈嘅庄韵澄keep住32E，身材冇走样。

庄韵澄和老公吕成忠锡爆个波子。

庄韵澄力撑吴肇轩主演嘅新片《说笑之人》。

庄韵澄的囝囝跟余香凝嘅囡囡差唔多大，后者更已诞第二胎。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ