Winka@COLLAR为新歌MV挑战水中拍摄 克服恐惧重拾天真和勇气
2023-10-19 15:20 
女团COLLAR成员陈泳伽（Winka），本年度继单曲《一手造成》及《奇异小姐》后，日前再推出第三首单曲《平凡的我重生》，今次新歌MV在泳池进行水中拍摄，Winka坦言为了克服对水的恐惧，事前做了不少准备功夫。
【相关阅读】：Marf@COLLAR挑战劲歌热舞预告有特别尝试 首部担正剧集有口碑超想开续集
【点击睇Winka@COLLAR《平凡的我重生》MV相】：
今次《平凡的我重生》意旨在破碎的自己里重拾勇气，克服挫折，Winka除了练水外，亦要上drama堂，了解更多自己内心世界，她说：「呢个MV畀到我好多画面嘅回忆，而并非纯一首歌咁简单，人越大越识得多嘢，点解会冇咗小朋友嘅勇气及重新力量，好似小朋友喺公园跌亲，佢哋唔会唔够胆喺公园再玩捉迷藏、再跑步，但大人受到挫折后，可能会好惊再做同一件事，甚至乎一沉不起，所以好想叫大家重拾小朋友呢份天真同勇气。」
苦练游水望减恐惧
为了今次新歌MV，Winka要挑战在水中拍摄，她表示：「锺意玩水，但唔可以话自己熟水性，未试过游出海或喺深水地方游水，因为我细个试过差点浸亲，所以对深水嘅地方有啲惊！」为配合落水拍摄，Winka事前要练习游水「拍摄过程，自己都花少少时间去适应，因为本身练习个泳池水深只有1.2米，但拍摄嘅泳池因为围咗布，睇唔到有几深水，而且潜落水嗰吓，水压唔同，又唔可以戴泳镜，所以拍紧嘅时候都有几多恐惧出现，但最后自己依然克服咗，顺利完成，感觉好兴奋，好难忘。」不过，《平凡的我重生》MV拍摄当日遇上台风袭港，不仅令拍摄进度受阻，原定的外景亦要移师室内进行：「户外拍摄会靓好多，所以都有啲可惜，不过唔紧要啦；拍摄团队真系好犀利，转得好快，因为天气问题，佢哋好快就调配到，将室外拍摄转到室内，拍出嚟嘅效果同画面，都系大家想要嘅嘢。」
【其他文章】：
独家丨Marf@COLLAR首做女一好淆底 试镜扮食毒药睇你点死好难忘
COLLAR新歌骚性感女人味 Candy被逼夹两大只型男中间劲抗拒
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应