前主播丘静雯结婚丨饼印妈妈曝光！连性格亦尽得真传 出身基层感激父母多年辛酸
2023-10-30 16:03 
有「最靓女主播」之称的前nowTV主播丘静雯（Nicole），昨日（29日）与男友阿枫举行婚礼，朝早跟足传统接新娘，穿上金光闪闪「褂后」出门的丘静雯，配上身上金器让人目不瑕给！下午丘静雯举行西式婚礼过后，晚上再举行晚宴，前NowTV的新闻主播旧同事，还有《一线搜查》的宋熙年、林希灵、黄恺怡等到场祝贺。
【相关阅读】：前主播丘静雯结婚丨红色贴身晚装挂满金器劲有贵气 老公肉麻示爱许爱的承诺
【点击睇丘静雯父母】：
丘静雯在晚宴上先以deep v婚纱入场，其后又换上鲜红色贴身晚装，挂满金光闪闪的金器，够晒喜庆。婚宴上除了老公阿枫向丘静雯肉麻示爱外，丘静雯亦在晚宴上致辞，感激父母多年来的照顾。丘静雯在台上说：「首先要多谢我嘅父母，我屋企系普通基层家庭，要凑大两个女，而加凑紧第三个仔，真系唔容易，多谢爸爸辛苦赚钱养家。好多人觉得我个人好tough（坚强），天跌落嚟当被冚，其实呢种咁硬净嘅性格，我觉得系来自我妈妈。不过我同妈妈一样，仲有个样，生到饼印咁尽得真传。」
多谢老公父母好有爱
丘静雯亦在婚礼上多谢老公阿枫的父母：「都要多谢枫枫父母，生到个仔咁英俊潇洒，温柔体贴。好多时，枫枫仲细心过我，反而我系粗枝大叶个个，阿枫咁识得照顾人，一定系父母教导有方。我个人其实比较慢热怕羞，人多聚会我会唔出声，但其实我系好中意呢啲热闹嘅气氛。次次去卢家食饭，一大班亲戚，十几二十人，大家都好欢迎我，我每次都觉得好开心。我谂，枫枫系咁充满爱嘅环境长大，佢都觉得自己幸福。」
【点击睇丘静雯婚宴相】：
身为家中大家姐的丘静雯，也提到妹妹和弟弟：「另外我好感恩我有一个妹妹，我觉得佢可能系世上最了解我嘅人，好多时唔需要讲太多，佢就会知道我想表达啲咩，内心谂紧乜。仲有我细佬，虽然年纪上我地似母子多啲，我地平时成日打打闹闹，一齐打机，互闹大家系猪队友。我一直以为系我陪佢玩，氹细路。点知上年，我搬咗出嚟同枫住，我屋企人都唔知，第一日我喺巴士喊到猪头咁，因为我唔舍得希希(细佬)。我知过多两年你唔会想show我，但我唔会放弃缠住你。」
丘静雯最后亦多谢其他亲友：「契哥，虽然契妈契爷唔系到，但你唔系一个人。你同我地讲过，真系当我地系妹，我地都系一样当你系自己人。表弟康康，舅父婆婆黎唔到，但有你做代表，对我黎讲意义重大，我真的很高兴你能来。仲有好多好多亲戚朋友，我好多谢你地出席。」
【点击睇丘静雯过大礼】：
【其他文章】：
前NowTV主播丘静雯结婚！中式礼服出嫁获健硕丈夫公主抱 蓝天白云下拥吻Sweet爆
最新回应