独家丨陈欣健文隽悭钱拍《喝采》谂爆头郑国江为歌名被改诈型43年

2023-11-06 07:00

1980年上映，陈百强（Danny）、张国荣、锺保罗和翁静晶主演的青春片《喝采》，相隔43年，经1年修复，最近以4K数码修复版再度公映，适逢陈百强逝世30周年，并举办《为陈百强喝采•纪念展》。一班电影幕后功臣，包括监制兼演出的陈欣健（Philip）、编剧文隽、歌曲填词人郑国江，以及陈百强粉丝，齐齐细数这套经典电影及Danny点滴。采访：杜杜

Philip和文隽完全没想过《喝采》成为经典青春片，甚至相隔43年再上映。

Philip当年经朋友介绍，认识由美国读书返港的Danny，「佢好活泼，亦好感性，呢套戏佢好似做返自己，系最冇压力嘅角色。」当年青春片并非主流电影，几经辛苦才由孙泳恩搵到杨受成投资，因为要悭住拍，任监制的Philip要兼演 Danny叔叔，还要借出屋企作为Danny家的主景，「我有几日唔喺度，返嚟间屋变咗紫红色，好似西部片啲妓寨咁，老婆话有冇搞错，为部戏冇所谓啦！」电影请得俞琤和黎小田等人客串演歌唱比赛评判，亦全靠文隽碌人情咭，「畀钱都请唔到呢啲卡士客串，明明编剧又跟埋去剪片咁，嗰时真系唔会计较。」

Philip饰演Danny的叔叔「Uncle Ray」，是个潦倒画家。

戏中Danny和张国荣是劲敌，由学校斗到歌唱比赛。

Danny和当时只有15岁翁静晶演情侣，第一次演戏已好自然。

陈百强可以好Cute

主题曲《喝采》由Danny作曲，郑国江填词。郑老师一讲首歌笑言有投诉，「我写时叫《鼓舞》唔系《喝采》，系鼓励个女主角去做手术，上映时佢哋要宣传改咗歌名，真系𤷪𤺧！关喝采咩事啫！佢去医病仲要喝采，真系讲笑！」而精益求精的郑老师，在交歌词限期前仍作最后修改，「当时我要去TVB交歌畀Philip，佢喺1厂拍我喺2厂等，突然间谂到『将一声声叹息，化作生命力』，觉得好贴切个主题。」