星8卦｜「霸气」专吸骑呢男一脚踏几船玩够变孤独精

2023-11-10 11:00

「霸气」到而家仲系对「才子」念念不忘，为因咁多年佢都系同呢个男人最投缘。「霸气」近年系Dry得好紧要，多少同佢嘅性格有关，但奇在后生几年晚晚都可以有唔同男人。讲真佢咁恶，无乜女性魅力，但成日都有奇怪男人埋身，「矮佬」原来好崇拜佢，「霸气」初时都好抗拒，不过「矮佬」大男人性格好吸引「霸气」，咁多年都恨小鸟依人，所以好快都唔介意一齐住。嗰阵「霸气」同「设计师」仲未分开，有一段时间「霸气」出嚟衣着打扮好得体，就系「设计师」嘅功劳。

「霸气」最威系呢段时间，同时有两个男人欲断难断，而且两个都系瘦弱男人，令佢充份发挥母性，后嚟「矮佬」直情好似咬软咁，都系「霸气」做成，话买咗几十万礼物送畀自己生日，月尾咪又系帮佢找数。

「才子」出现喺「矮佬」中间，不如咁讲，咪睇「霸气」成个男人咁，佢好吸啲拖拖拉拉嘅男人，「才子」同佢合作咗一次，两个就好似孖公仔咁出双入对，日头系好姊妹，晚黑就瞓埋一张床，「矮佬」知唔知？梗系唔知，因为每晚「矮佬」瞓觉佢就出动，两个人一间屋两间房，「霸气」背住佢出街去「才子」嘅行宫开心，如是者都维持咗几年。所以两个唔可能喺埋一齐嘅人可以成20年至分开，系大家搵到空间，可惜「才子」又系有老婆，系「霸气」玩厌自己要分手啫！