伍富桥感动：娶到佢我好幸运富家老婆出钱出力撑参赛获网民激赞系贤妻

2023-11-28 07:00

「乐施毅行者2023」已告终，由「奶仔」方绍聪做队长，夥拍伍富桥 (Alvin)、吴业坤「坤哥」以及一位消防员朋友Ryan组成「Gang Hike」行山队伍以30小时19分钟完成100km，比目标8小时慢咗两小时多。今次团队后勤膳食及补给品由Alvin富贵老婆梁兆楹（Shirley）负责供应，Shirley贴身照顾老公及队友，有女网民忍唔住DM Shirley激赞说：「好多人成日话你，其实佢哋好表面，娶妻求淑女，帮夫命系你，唔使理人。」Shirley礼貌回应：「咁靓嘢冇人唔锺意嘅，不过系凡人又岂能事事如愿，个人嘅嘢都系做返好自已本分啫，我应该嘅。」

由「奶仔」方绍聪做队长，夥拍伍富桥、坤哥参加乐施毅行者。

方绍聪、伍富桥、吴业坤、Ryan组成「Gang Hike」。

方绍聪、伍富桥、吴业坤、Ryan边行边打卡。

一条心向终点站进发。

「Gang Hike」行山队伍以30小时19分钟完成100km，比目标8小时慢咗两小时多。

伍富桥获富贵老婆Shirley贴身照顾。

伍太Shirley真系好爱锡老公㗎。

女网民DM Shirley激赞她系贤妻。

影住老公伸手入裤浪

今次Shirley除沿途在每个补给站为他们打气外，一早设计了共11款的爱心暖饭供团队选择，包括日式咖喱鸡肉汉堡扒饭、日式咖喱鸡肉饭、台式鸡肉燥饭、鲜茄焗龙脷柳饭、瑞士汁鸡肉片饭、牛肉丼、亲子丼、白汁海鲜焗饭以及韩式拌饭等，提供饮食叉电，让他们补充能量。还有汽水、水果茶、生果及热汤，最爆在荒郊野外，竟然自备炉具滚住胡椒猪肚鸡煲及羊腩煲，睇到网民流晒口水忍唔住大赞Alvin家有贤妻。不过，Shirley经常整蛊老公，在IG出Po，影住Alvin伸手入裤浪，写住：「呢位先生唔该你检点啲。」好搞笑，Alvin用反眼emoji回应：「你真系po咗出嚟！」

Shirley提供丰富美食补充体力。

有度身订造嘅爱心暖饭。

行到饥寒交迫。

好好味呀。

吴业坤食胡椒猪肚鸡煲及羊腩煲。

第三站有牛肉丼招呼伍富桥队友。

在荒郊野外，伍太备炉具滚住胡椒猪肚鸡煲及羊腩煲。

第一站有和牛汉堡扒。

仲有专人在加油站按摩。

伍太出埋人情牌搵朋友帮手推物资上山。

Shirley整蛊老公，出Po放Alvin伸手入裤浪片。

伍富桥阻上都冇用。

另外，Alvin出po感谢Support Team功不可没外，特别感谢老婆两日来不眠不休为她准备所有饭餸及补给物资，仲搵咗埋2-3个老友帮手开车及运送物资上山：「平日我只能食海鲜、鱼及鸡，避免跑山时出现食物敏感，饮食方面更加要小心，老婆会为我度身设计，如日式咖喱鸡肉饭，我当然非常感动，之前单身都有玩过100公里比赛，但同今次分别好大，因为每次Support Team食饭时都会见返自己嘅老婆，而且佢每次都准备晒所有食物及要更换嘅装备，佢真系好辛苦嘅，出钱出力嚟支持都冇怨言，心入面好感激佢，娶到佢系好幸运。不过佢话作为老婆系应该做，唔觉得系做啲乜，希望大家将重点放返落去团队及支持乐施会，叫网民唔使特别赞佢，佢特别谦虚，我都想大家关注活动多过我哋两夫妻，希望大家慷慨解囊，乐力捐输。」