中年好声音2 丨刘威煌曾因语言暴力一度想放弃唱歌 重返比赛行列胜负不再是重点
2023-12-04 16:00 
TVB真人骚《中年好声音2 》在昨晚（3 日）播出一集是第五部曲「廿四强导师分组赛！致敬传奇巨星！」，《巨星》出身的刘威煌，今次挑选了陈百强的经典歌《我的故事》获得89 分，成绩相当理想，刘威煌透露歌曲唱出了他的心声，坦言曾因语言暴力一度想放弃唱歌。
【相关阅读】：中年好声音2丨古淖文一改豪放式表演风格 失控爆喊惹揣测：好多人担心我咩事
【点击睇刘威煌《中年好声音2》演出】：
《巨星》出身的刘威煌，参赛以来一直受到外界关注，今次凭陈百强《我的故事》获得89 分，成为分组赛其中一名高分歌手，表现令观众有所改观！今日（4日）刘威煌接受《星岛头条》的访问，对于从参赛至今的改变，刘威煌说：「我觉得最大嘅改变系唔用一个比赛要点样赢嘅心态去拣歌，会拣啲自己锺意嘅，就算自己真系未必唱得咁好，只系希望可以表达到唔想为咗比赛分数，而专登去搵啲比赛歌，甚至乎就算唔适合自己，我都好想去唱，我觉得咁样先搵到个乐趣。」再问参加《中年2》后有甚么得着？刘威煌则说：「我谂系识咗好多同道中人，始终系人到中年，大家都好有爱，又好用心去帮助大家。以前比赛系着重胜负，但系而家心态转换咗，比赛气氛亦都唔同，成日会互相提点同交流心得。」至于有否想过夺冠？刘威煌坦言没有想过：「我由头到尾都冇谂过拎冠军，大家都应该知道，胜负对一个比赛唔系重点，而系究竟我喺台上留低啲乜嘢，留得几多得几多，奖项系完全冇谂。」
刘威煌自认不是好歌手
在昨晚播出的一集，刘威煌亦有说：「好彩身边有家人同埋朋友支持，我知道我未必系一个好嘅歌手，不过我真系好锺意唱歌。」评判之一的肥妈鼓励他说：「你上嗰几集笑住咁唱歌，我话你登台呀？你冇用个心去唱，但你今日用个心去唱。如果话网上攻击嗰啲，你一定唔会比我多！」刘威煌听到肥妈的说话后感触落泪，关心妍安慰他说：「做歌手系好难，我而家做紧都觉得好难，有时我哋唔系想放弃，系好多原因冇咗呢个机会，但呢个舞台畀番呢个机会你，你系依然可以发光，你要相信自己，你继续用心去唱歌，就会有人欣赏你。」
【其他文章】：
中年好声音2丨陈宝雄糖尿上眼获有心人资助做手术 从未全身麻醉向亲友讲定遗言
中年好声音2 丨《巨声》队长刘威煌卷土重来现身海选 老猫烧须甩咀唱漏歌词：好紧张！
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应