独家丨赵希洛轻松解画:佢唔会嬲 离巢TVB感谢文漏多谢乐小姐
2023-12-11 07:00 
今年9月，有TVB「御用癫婆」之称的赵希洛离开工作咗15年嘅「娘家」，她感激获TVB爱锡，疫情下可以拍《开心速递》、畀女配奖及创作角色空间，不过密集式工作3年，系时候要放长假去增值自己，唔想「交行货」，未来她会多方面发展，以YouTube有175万订阅的Coffee(林芊妤)为目标强攻社交平台，甚至拍电影、唱吓圣诞歌，发展唔同路向。采访：方骞平 场地：Le Chefeteria
外闯3个月见世面的赵希洛，坦言好舒服，因为之前剧接剧，最高纪录一日要转4个造型，长期冇休息，有被榨乾、缺氧嘅感觉，加上对自己要求高要做到最好，好怕重覆角色欠缺新鲜感，系时候要唞一唞。
袋住家人「安全卡」
因此，回复自由身后马上到美国及法国体验，认识当地戏剧文化：「尤其参观拍摄美国最高收视剧集嘅录影厂；又见到用嚟拍戏，球场咁大，附设人造浪嘅暖水池，平时唔用就抽乾水变停车场，大开眼界，感受过后更想拍吓电影。」对于发长文致谢名单冇提过乐小姐(乐易玲)，赵希洛就解释，「转机时来去匆匆漏咗，我连《开心速递》编审都冇落名，乐小姐知我系乜人应该唔会嬲。」
40岁的赵希洛坦言唔怕冇咗TVB大靠山：「第一步希望靠社交平台吸客，好似coffee咁真系好劲，除咗教瑜伽又推出自家品牌服装，好佩服佢，要向佢好好学习。」被指为富贵星二代(母亲系前TVB艺员梁小玲，父亲经营石油生意又系澳洲大律师)，赵希洛强调家境只系舒服少少，而非有钱就任性：「以前我会坐港铁转公司巴士返工，凌晨才『打的』向公司艺员科Claim钱，既然系自己选择就要负责任，唔使家人负担。」但她坦承屋企有给她附属卡：「呢张系安全卡，喺必要时先用。」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应