星8卦｜「牛奶仔」为前途同「大喱」扮情侣 为真女友终止假新闻蚀章

「牛奶仔」终于公开真女友嘅身份，成个人都轻松晒，因为女方有啲家底，唔失礼自己，亦喺埋一齐好一段时间，如果再系照以前为上位而委屈，对两个人都唔公平。「牛奶仔」无乜运，当日有高层叫佢帮手做吓人哋嘅假男友时，「牛奶仔」好认真谂，因为当时同女友啱啱发展紧，但「大喱」系老板其中一个新宠，莫名其妙咁出位已经好多闲言闲语，老板又唔想俾人讲又怕老婆知，惟有帮自己条女制造一个男朋友。

「牛奶仔」被拣中系因为平时无绯闻又唔起眼，咁啱同「大喱」有合作机会，虽然唔系做一Pair，但可以有故仔话两个人接触完就互生好感。剧本编好，「牛奶仔」都希望有啲新闻，高层又应承咗成串嘅计划帮佢，于是两个人上演呢出假凤虚凰戏码，都有成两年时间，直到女朋友顶唔顺要公开，「牛奶仔」就同「大喱」讲，研究吓方案，点知未有共识佢就自己公开分手嘅消息，摆明系要攞番个彩。

初时好嬲嘅「牛奶仔」，但谂深一层都系好事，毕竟系一件唔道德嘅大话，自己又要公开真爱，女方难免无面，佢终于明白点解公司都无人对「大喱」有好印象，除咗以为后台硬可以横行，呢种唔输得嘅性格，都好犯众憎。

 

【相关文章】：

星8卦｜「绝世」心急嫁「老公」 被利用翻身后悔惟有扮低调

星8卦｜「矮人」恃靓仔专食人妻 烂赌得罪「阿太」失靠山

星8卦｜「家姐」误信「有钱」以为有婚结 做好事救「妹妹」出生天

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ