独家丨张伟文坐太耐扭计:冇生日愿望 71岁牛一获Fans送寿桃庆生

「靓声王」张伟文近年患上认知障碍症，加上腰患困扰要坐轮椅代步，所以长居护老院，幸得徒弟方俊照顾。上月21日是张伟文71岁牛一，当日方俊接寿星公出街松一松，除让他唱歌供应「精神食粮」外，晚上更跟一班忠粉食饭庆生。唔知自己系寿星的伟文冇生日愿望，他答得搞笑：「我乜都有，唔使许愿咁老套。」采访：方骞平

张伟文由老人院出来庆生。

寿星公话冇生日愿望。

张伟文获方俊照顾情如父子。

当晚，寿星和几位忠粉食饭、吃寿桃及蛋糕庆生，几位fans送上祝福利是。张伟文继续有脾气，坐得太耐冇嘢食会扁嘴，但见到头盘有美味烧猪就笑返晒。讲到生日愿望，张伟文搞笑说：「几十岁生日冇乜愿望。」问到可想再开演唱会？他摇头，但又补充唔系想退休：「啱做就做（唔开骚fans会好伤心呢！）唔会，一鸡死一鸡鸣！」方俊认为唱歌令伟文寄托，而且靠自己适量能力，做人会过得有尊严。今年4月方俊有意搞善慈骚，将按伟文心情及状态，再决定会否安排他做表演嘉宾。

一班忠粉跟寿星公饭聚。

忠粉送上祝福利是。

晚饭期间坐得太耐唔耐烦，大嗌pat pat痛。

张伟文最爱食，对住乳猪开心晒。

张伟文返老还童

另外，张伟文还担任网上音乐节目《星星相识》嘉宾，跟方俊合唱「饮歌」《风云》及《问我》，自去年9月开完元朗个唱后，张伟文冇再唱过Live，虽然他近年多病痛，但唱功仍然深厚，观众留言表示好好听及好感动。不过，𠵱家张伟文返老还童，做乜都睇心情，坐得太耐会唔耐烦，又会呻pat pat痛，唱两句又会停低，狂食薯片及烧肉，徒弟即斟茶递水𠱁老人家开心：「寿星大晒！」fans留言祝张伟文身体健康，还叮嘱他食多啲，食得是福。

张伟文和方俊网上节目《星星相识》合唱《问我》。

张伟文唱两句又放低枝咪食薯片。

方俊送上蛋糕为张伟文庆生。

去年9月张伟文完成元朗个唱。

仙杜拉在港时到过老人院探过张伟文。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ