独家丨关宝慧因绯闻被黄日华疏远感无奈：做咩啫病住演40场音乐剧《青春日志》压力超大

2024-01-12 07:00

关宝慧继2019年后再参与音乐剧《我们的青春日志》，再饰演「严校长」的她，临开骚前出现呼吸系统毛病，睇极医生都唔好，更试过咳到呕，要捱病演出令她压力更大。提到早前跟黄日华的绯闻翻hit，华哥否认之馀更为免误会而疏远她，令宝慧大感莫明其妙，她首回应事件，认为朋友之间唔需要为传闻而避忌，无奈估计对方可能有偶像包袱。采访：杜杜摄影：Stanley

宝慧今年主力拍电影，所以短期内都未能再参与《青春日志》演出，馀下场数会特别珍惜。

宝慧再获《青春日志》制作人陈恩硕（Tom）邀请演出，心情相当矛盾，因为未试过舞台演出超过20场，首次挑战40场有一定压力，「好惊，太多场数我系唔得，我个人好奇怪，每逢返学、返工，如果要每一日同样嘅时间去同一个地点，就会唔准时㗎嘞！但系拍嘢咁耐从来冇迟到，因为唔系每日同一时间去同一地点，所以一个星期做几场，就开始有啲惊。」不过她开心再有机会挑战「严校长」一角，因2019年演出未满意，「嗰时太赶，我系要排戏排好耐嘅人，排得一个月，仲要同另一个Cast一齐排，分得一半时间，啲歌同对白先至紧紧记熟，就要上台，觉得好唔安全。」

宝慧对「严校长」角色又爱又恨，既有发挥亦大压力。

宝慧为演好音乐剧，事前搵张崇德恶补唱功。

错失跟张国荣合作

宝慧自爆当年读演艺时因不肯准时返学，错失跟张国荣合作音乐特辑《日落巴黎》机会，「King Sir（锺景辉）叫咗我入房（扮King Sir腔）『你知唔知《日落巴嚟》拣咗你？』佢话Leslie拣咗我，我系癫咗，好开心啦！（扮King Sir腔）『但你呢个月有3次迟到，迟到系冇outside job，冇得拍』哈哈！嬲到我，终于刘雅丽、谭伟权有份拍。」

宝慧读演艺时，因经常迟到丧失演出机会。

宝慧若演《日落巴黎》，就有机会跟张国荣合演这场戏。

幸好今次有上次演出经验，令宝慧减去不少压力，「成个底都喺度，我记性又几好，所以排一、两次又全部记返。」不过开骚前两日，她又遇到另一个挑战，就是所有呼吸系统毛病同时出现，而且睇极医生都未好，「鼻敏感、气管敏感、手足口病，食咗只药又令我药物敏感，搞到个嘴同喉咙都肿咗，病情反覆得好紧要，仲谂紧办法，听日都要去睇医生。」但宝慧完全冇谂过请假养病，「我唔可以辜负呢个机会，唔可以辜负Tom同自己，虽然啲人话喺出面听唔觉，好好笑，喺后台任何一个角落都会听到我啲咳声，但一路咳临出台我就唔咳嘞！」因她试过咳到呕，所以一直好担心会影响演出。

《青春日志》已演出400场，宝慧有幸与Tom和彭镜光见证。

宝慧一直觉得2019年因排练不足，令演出未够好。

自爆唔做TVB原因

宝慧开心音乐剧成为长寿剧，舞台虽然较理工演出时细了很多，但气氛一样好，「由豪宅搬咗去劏房，嗰度真系好细，但系真系好神奇，虽然咁细，我哋咁多人塞喺嗰度，流畅度都一样。我谢幕谂起EYT喎，哈哈！唔知，都系长寿嘛！我觉得几得意，将来望返转头，我都有个纪录，原来我都做咗咁多场。」不过她完全没想过要做该剧固定演员，「我唔可以长期返一份工㗎，嗰时我啱啱入TVB，拍咗1年《我爱玫瑰园》（处境剧），我想因为咁样而辞职，我拣做戏都系想唔定时啫！叫我朝八晚六返一份工，我真系想死，嗰年我捱到几惨呀！」

《青春日志》舞台较细，宝慧跟探班的阿姐和罗家英合照都要就位。

2019年宝慧凭《她妈的葬礼》，获得舞台剧奖最佳女主角（喜剧/闹剧）。

讲到因为一张2021年跟黄日华的合照而传出婚讯，宝慧也感奇怪，得知黄日华回应时跟她划清界线，更表示为免误会减少跟她来往，她觉得奇上加奇，「我唔系估唔到佢咁答，系估唔到佢会因为呢件事唔敢再搵我，我觉得系有点离奇，喺我角度嚟讲，做咩啫！如果真系当我朋友嘅，唔需要唔搵罗！唔紧要啦！呢个圈每个人都有自己嘅压力，个压力唔知嚟自咩嘅？！可能系偶包，可能系各方面嘅嘢，但我觉得可惜，喺呢个圈其实本来冇嘢，因为exposure变成好似好big deal，其实有咩咁big deal呢！？」