古巨基父子档拍广告 回味儿子初出世劲感动

古巨基最近为银行代言拍摄广告，广告中惊现儿子Kuson登场？原来是古sir囝囝婴儿时的影片，但都可算是首次父子「同框」出现喺广告，非常值得纪念。广告故事系关于香港中生代，上有父母下有儿女，要肩负整个家庭照顾老幼的一群，如何面对理财人生。

Kuson出世的情景令基仔一生难忘。

Kuson一点都不怕陌生，主动跟在场的工作人员打招呼。

有囝囝亲自喂食，基仔当然是甜在心头。

今次广告用到囝囝影片，原来系导演看过基仔IG曾经分享过儿子婴儿时的片段，于是提出在广告可否借用片段让基仔作为父亲的角色更写实。「我谂反正已经系社交平台分享过，所以就答应左。系Kuson bb仔时的影片，再次重温呢啲片段，仍然系充满感动。我记得当年抱住刚出世嘅Kuson，佢好细只又轻，我细细声同佢讲：『欢迎你啊，我哋等咗你好耐喇。』个份感动系一世都咁深刻。」

广告中基仔会重新演绎经典歌曲《爱回家》及《花洒》。

身为廿四孝父亲的基仔，坦言将来儿子想入行都不会反对。

拍广告当日，Kuson也有探班，喺现场感受一下daddy嘅工作。「到时广告出街我会叫佢睇。佢认唔认得嗰个系佢？佢认得㗎，佢成日都翻睇我哋手机佢BB时候嘅影片，成日自己睇到笑，哈哈。」佢第时大个俾唔俾佢入行？「吓？仲有咁长远，而家先几岁，第时佢想做边个行业佢自己自由选择啦！只要佢做自己喜欢嘅事先系真正幸福，佢而家最锺意嘅系画画同埋唱歌同埋玩车车。」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ