专栏｜「安式」逼抢令港足脱胎换骨

香港队喺亚洲杯表现极之出色，仅负伊朗1球，不敌阿联酋1:3。不仅系球员满腔热血，努力取得嘅成果，更系「安式」逼抢下嘅功劳。

先讲防守，由港队传统「Low Line Defence」变成主动逼抢已经不易，由前锋安永佳做第一点，然后逼使对方门将传向一边，先设有第一个陷阱，再运用球员嘅能力夹走个波。即使将个波转到方向，仍然有其他队友立刻冲前逼走打反击，成第二个陷阱。但中间抗衡稍为困难，太轻易被人望空转向。不过安帅其实用短时间改变球员思维同心态，并将佢哋嘅体能大力提升，系教练能力嘅表现。

由于球队逼抢成功，打好多反击，所以多咗Transition Play。安达臣将进攻重任交给艾华顿作为Plan A，球队一逼抢成功嘅时候，先找到右边进行1 On 1，因为可以见到其他两个国家嘅左闸同佢系五五波，球员尽量过咗，之后出波或者由佢自己射；Plan B则是交给左边潘沛轩或孙铭谦，和中间打一两脚然后出波。Plan A 和Plan B都靠安永佳身高优势，跣横或攻门，个波去边就要靠Philip仔嘅捕位能力进行射波，对阿联酋嘅入波就系靠佢嘅能力。逼抢并且进行到入波系呢支香港队真系因难，做得到仲要喺𠵱个大舞台上面，好值得畀啲掌声教练同埋球员。

安式逼抢可以在两年内，由一队稳守突击变成现代嘅踢法，一定要答谢我哋香港嘅教练安达臣，佢绝对称得上香港足球之父。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ