独家丨周殷廷唔会藐人上床换工作机会 欣赏学友唔霸权有胸襟畀新人尝试
2024-01-22 07:00 
周殷廷（Yan）推出新歌《Louder》，为不搞「暗黑兵法」默默耕耘的人发声。MV继续由他一手包办，以简单一镜过加灯光效果完成，原来是受歌神张学友启发。近年出歌量大减的Yan，为努力钻研导演及编剧技巧，正筹拍3部电影，其中2部更会担演，但强调会与音乐双线发展。采访：杜杜
Yan认为《Louder》是出道以来最能代表心声的作品，「以往爱情歌多啲，今次系讲对世界嘅睇法。」他希望歌曲能为一班默默耕耘的人发声，「『暗黑兵法』帮到一个人成功，但系咪代表努力做嘢完全冇用？好想帮呢啲人，可以更大声。」他又笑言也想靠「暗黑兵法」上位，可惜做唔到，「最简单就系上床罗！的确有呢样嘢存在，唔可以否定佢嘅成功率，唔系话错，每个人价值观唔同，我就做唔到嘞！」
多谢学友肯信任
Yan执导《Louder》MV延续《意外现场》、《My Everything》拍法，以简单一镜过完成，分别会加大量灯光效果，启发他的是张学友，「帮佢同Gin Lee拍过《日出时让街灯安睡》MV后，佢有两个MV搵我帮手，问佢想点拍？佢就话『好简单乜都唔使要，畀我夹口型就得』，嗰时我唔明，既然有画面辅助点解唔用？但佢开巡唱搁置咗啲MV，我就尝试自己啲歌咁拍，𠵱家就明，应该睇艺人点样表现，目光摆喺艺人。」他又大赞拍《日出时》感受到学友提携后辈的心，「有个动作我叫佢放松啲，全场望住我，好惊我够胆改佢动作，我就拍晒两个演法畀学友哥睇，解释晒所有嘢，嗰take后佢冇再睇mon，畀咗信任同尊重我，一个咁劲嘅人，可以霸权，但有胸襟畀个新人去尝试。」
一直恨制作电影的Yan，以兴奋又期待心情宣布，将开拍3部由他自编自导的电影，「最先拍应该系动作片，一部英雄片，自己都有份演，另外一部悬疑片就纯做编剧同导演，𠵱家开心指数系爆晒表，但会照出歌，两样都系我锺意做嘅嘢。」
《区区有申诉》答问题送盆菜，现正进行利是公价问卷调查，编辑部会拣选最具创意的得奬者，送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》新网站有更多精彩内容：http://www.stheadline.com/
最新回应