原来视咁的丨张达明升呢演宋世杰养父兼任监制 王浩信做新版状王「估佢唔到」

谈到相隔多年再度参演以宋世杰为主剧集，并多了监制身份，张达明坦言感觉相当不同：「今次角色最唔同系好多特别嘅造型同化妆，系超乎想像嘅。以前演宋世杰时话晒自己第一次做剧集主角，所以要顾掂自己啲台辞同演法先，冇乜点理其他嘢。今次做监制最大分别就系要顾好多嘢，由拍摄方法、搵演员、演员配搭等都要处理。」

王浩信、姚子羚、金刚及王子涵组成的「查案铁四角」，为了破案奇招尽出。

张达明这个养父在剧中有不少造型。

王浩信得张达明传授玩扇技巧。

　　谈到新任宋世杰王浩信，达明赞不绝口：「佢好称职，演技好、够投入同想像力好丰富，我同佢都去过外国上演技深造班，佢好多动作都比我强。呢套剧我主要教佢点玩把扇，其实以前我都唔系专登为咗宋世杰个角色去学玩扇，而系咁啱喺演艺学院学咗一啲京剧嘅技能，就将学咗嘅嘢融入个角色度。而我教完浩信后，佢即刻谂到点用自己嘅方法去玩，仲要好『估你唔到』嘅。」

单元云集好戏之人

　　谈到新版与旧版最大分别，达明笑言是王浩信：「佢比我高大靓仔同威猛好多咯！」并保证新版保留不少旧版可观元素：「第一姚子羚同郭蔼明一样咁靓同咁打得！宋世杰同玲珑都系会携手查案同有好多奇遇。」

剧中宋世杰与白玲珑的夫妻感情也是焦点所在。

港姐陈桢怡首次拍古装剧。

古明华和彭迪安有份在单元故事中演出。

最近播出的宣传片，以恶搞经典广告歌为主题，希望令人爆笑。

　　与旧版一样以破案为主的《状王之王》，除了主线故事发展吸引，5个单元故事个案同样具追看性，分别为「蜘蛛精杀人案」、「幽灵新娘案」、「灭门纵火案」、「至尊计状元才」及「使节奸杀案」。单元主角更是齐集好戏之人及绿叶演员，包括古明华、陈浩民、海俊杰、彭迪安、袁洁仪、文凯玲等。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ