谢君豪本色演喜剧超癫：我系几好笑　陈咏燊考虑将《饭戏》角色独立开戏丨独家

凭《毒舌大状》入围金像奖最佳男配角的谢君豪，今年继续参与贺岁电影，在陈咏燊（Sunny）执导的《饭戏攻心2》中，饰演搞鬼新角色「鱼翅大王六叔」，自称搞笑底的他一直恨拍喜剧，开心初尝拍喜剧电影。而Sunny暂无意开拍《饭戏3》，但可能将《饭戏》人物「分拆上巿」，制作个别故事。采访：杜杜 摄影：孔子 发型:任柏俊(君豪) 、Lisa C. Makeup Art(Sunny) 化妆:雷淑贤(君豪) 、Lisa C. Makeup Art(Sunny) 服装:mijosu、New Balance(Sunny)

豪哥认为高度配合Sunny好正常，「导演系演员嘅镜，要靠佢先调节到演出。」

听到Sunny不停赞，鬼马的豪哥话：「我都好锺意听呢啲坦白㗎！哈哈！」

豪哥饰演张继聪（陈礼）和陈湛文（陈熹）的「六叔」，Sunny写剧本时已觉非豪哥莫属，「『鱼翅大王』带咗好大压力线畀呢家人，佢做嘅嘢有少少似反派，但人系可爱、心地好，好难拿捏，要演员形象本身好，先会令人觉得压力线得嚟可爱，豪哥嘅形象加埋演技，我信佢演到先够胆咁写，一路写有画面。」

豪哥初尝拍喜剧电影，过程愉快令他想再拍。

Sunny承认开拍《饭戏2》有一定压力。　

演艺师兄弟互赞

接到演「六叔」的邀请，豪哥相当兴奋，因除了舞台剧，未试过演喜剧，亦一直想试，跟Sunny倾剧本已好享受，「个女毕业，我去咗英国，我哋视像倾咗好耐，睇剧本觉得好过瘾，点样可以好玩又唔胡闹？！我唔使专登做啲嘢搞笑，跟个角色好认真咁做咪好笑罗！」去到试造型又令豪哥有惊喜，「我唔知系咁㗎，大佬呀！睇剧本谂系咪要着唐装㗎？！原来佢畀件咁嘅嘢我着，跟住梳埋咁嘅头，戴埋咁嘅眼镜，已经讲咗畀你听点做，演员一着起件衫就知，佢（六叔）唔系等闲之辈，哈哈！」

戏中「六叔」的造型相当浮夸，对豪哥演绎有好大帮助。

「六叔」另一个身份是「鱼翅大王」，这个造型一样冇得输。

豪哥跟Sunny是演艺师兄弟，大赞这次初合作劲舒服，因Sunny好欢迎畀意见，「经过倾偈，就会攞到啲好嘢摆落角色，佢唔会关埋道门，好似度身订造，做起上嚟好舒服，好自由。」Sunny亦赞师兄配合度极高，对后辈完全零架子，「演艺学员心目中，系仰望谢君豪先生，唔系擦鞋，佢演完会同我讲『导演你觉得头先嗰个Level啱唔啱，使唔使收啲定多啲？』真心唔系个个前辈肯摊出嚟同你倾，佢先系最open，合作舒服到不得了。」Sunny又指要迁就海洋公园场地，令豪哥演绎难上加难，「一嚟就拍咗『鱼翅大王』最劲嗰几场，难度好高，但佢好肯一齐试。」听见师弟不停赞，豪哥风骚笑言：「讲到我都心花怒放，《饭戏攻心2之心花怒放》哈哈！」

《饭戏2》加入不少新角色。

「六叔」有份赞助二佬「陈礼」（张继聪）跟「Monica」（邓丽欣）婚礼。

希望好戏有好报

跟同是演艺师弟的张继聪和陈湛文再合作，豪哥表示早在2010及2012年跟阿聪合演舞台剧《情话紫钗》，他赞阿聪已独当一面，「佢个角色好难做，唔系话出嚟就爆嗰啲，佢同修哥（胡枫）讲『呢个系Monica』嗰场，个小跑步入嚟好准确，好犀利，好难㗎，呢啲就系功力。」早于舞台剧《南海十三郎》合作过的湛文，豪哥当年已跟他很熟，仲知他筋骨好松，「佢真系好似识软骨功，成日练弹指功打筋斗，系武林高手，佢又系成熟咗好多，岁月催人，哈哈！」

豪哥在戏中跟张继聪有不少冲突戏份。

《饭戏》票房超过7000万，Sunny坦认希望续集有好成绩，因背负一班工作人员的心血，「做导演，每刻都孭住百几人心血向前行，攞到成绩系同信任我嘅百几人一个交代。」对于今年电影票房跟去年相差好远，Sunny即交个波畀豪哥，「你点睇呀？你嗰套1亿（《毒舌大状》）喎，哈哈！我7000万之嘛！」豪哥表示很难推测背后原因，但认为好戏自有好报，「拍观众想睇嘅嘢，个戏系好，观众一定会入嚟睇。」

Sunny早前表示《饭戏2》初稿有预黄子华，及后对方辞演亦想过唔拍。

在现场指导王菀之演出的Sunny，开心跟《饭戏》团队再合作。

讲到制作《饭戏3》的可能性，Sunny暂未有计划，但有意创作每个角色的单独故事，「短期内未必出第3集，但我好锺意睇Marvel，Universe拆开啲人物，『六叔』有个剧又得，『三佬』同『猪猪』有个剧又得，呢个我唔落闸住。」豪哥都觉得好玩，仲话好想多拍喜剧，「老实讲我觉得本人系几好笑，但拍戏唔同舞台做喜剧，今次系试吓点样做，睇咗都几好睇喎，哈哈！而且过程中好享受，最紧要自己开心先，有机会就做多啲，做嗰时唔压抑，喺现场日日都好开心。」

请到殿堂级的胡枫和罗兰参与，Sunny好开心。

Sunny有意将《饭戏》人物「分拆上巿」，如「三佬」和「猪猪」这对。

 

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/