星8卦｜「长人」无沟仔运长期陷苦恋 「媒人」打救嫁「专业」执尾筹

「长人」终于修成正果，如果唔系之前嗰位咁差，佢都唔知呢个世界可以有男人锡。话说「长人」都无乜眼光，之前喺公仔箱做主持识咗「吹水」，两个情投意合无所谓㗎，但偏偏「吹水」好花心，同时间一脚踏几船，「长人」作为其中一个，仲以为自己执到好嘢， 点知两个人做咗啲亲密丑事俾记者断正，跟住踢爆埋「长人」原来系第四、五者，呢件事对男人无乜影响，但对女方就直情入咗雪柜。

之后「长人」银色旅途梗系唔掂，于是寄情拍拖，挞着咗乐队中嘅「二打六」，而且爱得好认真，但「二打六」都系奇人一个，成日玩失踪，到咁上下时间自己蒲头，对「长人」冷冷淡淡，但又唔可以话佢系唔锺意呢个女人，如果要有长远嘅关系就唔使谂。

「长人」惟有用一哭二闹三上吊嘅老土技俩嚟绑住「二打六」，但呢个情况就会越绑越走，「二打六」直情怕咗「长人」，人前人后都话同佢已经玩完，但「长人」当无件事继续做佢嘅女人。直到「媒人」唔抵得颈帮佢介绍咗「专业」，对方死咗老婆无耐，时间啱啱好，一拍即合几个月就拉埋天窗，而家仲有埋BB，连「长人」自己都估唔到可以喺人生下半场咁好彩！

 

相关文章：

星8卦｜「鬼妹」以为「高大」系良伴 成赌局牺牲品要睇心理医生

星8卦｜「后生女」识错人被威胁 「老窦」痛心求大机构出手帮忙

星8卦｜「假人」继承遗产 扮有料贴钱买高层位自High

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ