星8卦｜「男主角」爆红有先见之明 娶「女主角」开公司肥水不流别人田

自从因为合作同「女主角」挞着，「男主角」觉得自己都玩够，系时候停落嚟，加上佢比「女主角」大一个对嘅岁数，满足爹系性格，对方又嗲自己，完全满足双方需求，简直系天赐良缘。

由于系以结婚为交往大前提，两个人拍拖已开始为未来铺路。「男主角」好快成立咗自己嘅公司，将一定爆嘅制作，同自己又投缘嘅艺人全部签到旗下。老实讲，「男主角」捱到今日名利双收唔容易，后生嗰阵为头家搞到焦头烂额，佢唔出声默默捱，所以训练出一种好知人艰难嘅体贴。

「女主角」算好彩，遇到「男主角」嘅人品咁好，以前佢口碑唔多好，都因为男朋友而更受欢迎。两公婆拍住上，跟住佢哋嘅台前幕后都赞有个好老板，遇到乜事「男主角」都好大方帮忙，好多艺人一签就好多年，最重要两公婆都有啲财力势力，唔忧无嘢做。

如果真系唔够工开，佢哋就自己搵老细埋班等大家有钱搵，其实藉住两个人嘅名气，间公司又系自己，根本长做长有。「女主角」仲有个威猛契爷照住，对于有脑有远见嘅人，成功系必然嘅，更何况心地好，捱得苦，上天有啲回报都好合情理！

相关文章：

星8卦｜「有脑」帮「阔少」生仔以为得宠 用桥生多个终于出事

星8卦｜「痴情」错爱「男主角」自力更生 「姐姐」捱穷帮手养仔女有情义

星8卦｜「平胸」靠「中佬」北上打通脉络 唯利是图签大公司够绝情

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ