林秀怡梁凯晴狂食增磅又便秘超惨彭慧中拍《吃货》逾10日食近70餐丨独家

2024-04-12 06:00

彭慧中（Phoebe）、林秀怡和梁凯晴主持的《吃货横扫深圳》，不断食兼大骚靓身材，观众睇得过瘾，但三女有苦自己知，因为她们在深圳拍摄10多日，每日食足6餐，为节目增脂都叫值得，但最惨秀怡和晴晴「有入冇出」，成程Keep住便秘肚谷谷。另外，三女虽然首合作，但拍得开心，希望未来转战其他地方延续吃货旅程。采访：杜杜摄影：Stanley

3人不担心被指抗拒留港消费，「间中去吓当旅行。」

3人异口同声话似同朋友去旅行一样开心，想《吃货》去外地拍新一辑。

首拍饮食节目的晴晴觉得好新鲜，想不到自己有此吃货实力，「一日拍3、4间餐厅，加埋中间放饭再试其他嘢食，不断食，冇谂过自己食到咁多嘢。」最惨即肥4磅，仲便秘𠻹，「头几日去唔到厕所，饮西梅汁都唔得，要着泳衣拍摄嗰日劲担心！」两位师姐大派定心丸， Phoebe说：「佢都不知几靓几fit，谂多咗之嘛！」

Phoebe谓一直好支持留港消费，1星期出街食几次饭。

秀怡笑指大家想睇她着泳衣，上网打「林秀怡j」，有大量选择。

晴晴虽然第1次同两位师姐合作，但她们都好照顾她。

要猛男唔要陆浩明

贵为「流行都巿女神」的Phoebe，上辑《扫泰国》狂着泳装，秀怡爆她今次更激，「佢直情冇着！哈哈！佢要做spa，仲有晴晴陪佢！」同属有料之人的秀怡竟然免疫，「导演有话要着！我仲带咗7套泳衣，佢见到我真人就话算，净系叫佢哋着，哈哈！」她认为是不幸中大幸，「我有便秘搞到肚凸咗出嚟，成10日都去唔到，返到香港先得，可能每日拍到夜晚10点先返酒店，宁愿瞓好过坐厕所。」Phoebe好同情：「好惨，帮佢谂咗好多方法都唔得。」

晴晴贵为2021年港姐亚军，身材有返咁上下。

Phoebe包毛巾做spa，一样好有睇头。

秀怡冇份晒身材，同陆浩明去试韩式spa。

最有经验的Phoebe分享拍饮食节目小技巧，「拍食物时千祈唔好食住，真系拍食嘢先食，冇咁易食太多，亦都试到最新鲜感觉。」她亦不担心讲食后感会词穷，「用表情搭够，等观众睇到我个样就知有几好食。」她又希望《吃货》系列能长拍长有，「依家日元低，可以去日本拍，欧洲都好，我未试过去咁远拍饮食节目。」听到有得飞外地，秀怡和晴晴劲雀跃，仲想搵猛男陪飞起陆浩明，「帮手拎吓嘢，仲可以骚肌肉，等女观众都开心吓。」