93岁黄夏蕙叹时日无多搞最后派对 与仔女见面交代遗愿 遗体捐医院做大体老师
2024-04-15 20:30 
娱乐圈纵横近70年、现年93岁的「夏蕙BB」黄夏蕙，向来热爱搞活动的她，日前接受在《夏蕙传》饰演「年轻版潘炳烈」的陈建兴访问，黄夏蕙坦言自己这一年体力明显衰退，宣布将于4月28日举行最后一场派对，届时在派对上，除了恨与七个子女见一面，更会交代遗愿，情况令人担心。
相关阅读：93岁黄夏蕙试过「畀鬼责」足一个月连工人都搣到瘀晒 渴望见到祥嫂：而家都好挂住佢
黄夏蕙为乜要举行最后一场派对？
黄夏蕙搞最后派对交代未完成的事
对于今次这个决定，黄夏蕙称主要是因为这一年体力明显下降，更希望交代好未完成的事：「呢一年我发觉自己有时好似有心冇力，可能年纪太大，同埋我太担心，所以会将自己所有嘅嘢交落去，百年归老之后唔会火葬，就想我嘅body送畀医院，畀人做有用嘅嘢。」黄夏蕙还说：「我已经90几岁啦，我本来唔惊死，但有未完责任，我唔舍得我个基金做唔成一件事，我嘅基金正筹备一间老人院，或者畀无家可归嘅人有一个安息嘅日子，连名都改埋，叫『夏蕙之家』，希望我呢个愿望畀啲有为嘅人继续去搞。」黄夏蕙今次算是圆自己的心愿：「我都邀请咗好多可以做嘢嘅人做我慈善基金荣誉会长，我要交低畀佢哋，我自己都好大感慨。」
黄夏蕙提到自己有4仔3女，7名子女都定居不同地方，并各有事业家庭，她表示：「我好放心，佢哋个个都有自己生活，搵到自己锺意嘅嘢。自从我先生离开咗之后，我个家都散咗，我就做自己嘅嘢。28号嗰个party，我希望我啲仔女能够见我一面，因为时间无多啦，我都已经系90几岁，我呢个慈善基金都要交畀有缘人去做，所以我希望我啲仔女能够同我合照，同埋我所有朋友一齐见吓，人生冇话不死，本来我系唔惊死，但系我有好多未完嘅责任，所以我自己都好惊死。」
黄夏蕙往年上头炷香破格造型：
黄夏蕙活到92岁从未试做身体检查
黄夏蕙更表示活到92岁从未试做身体检查，因为怕入医院后，做不到未完的事：「完成活动之后，唔会再周围去，会留喺香港，我即刻会入医院检查，如发现有甚么问题都冇怨了，因为已经了咗心事，我一啲都唔担心，反正我都愿望成真，而家只系希望多啲人会嚟嘅party。」黄夏蕙更透露长辈留下了一个基金给她，资金足以起几间老人院，在最后一次的活动后，她就会去处理。
最后，黄夏蕙提到与有妇之夫胡百全的一段情，黄夏蕙指当年胡百全极爱小朋友，所以为对方生了7个仔女，又大赞胡百全爱得黐缠，即使有老婆亦对她照顾周到，安排好七个仔女到外国读书：「佢唔使你出声先做一样嘢，知你冻又去买定好多衫，以前就算佢有老婆都每个钟头一个电话，我日日都同佢一齐。」黄夏蕙又透露胡百全有不少女人埋身，有次知道他与女性打边炉，更上对方的公司反枱，又表示曾几次想离开呢段关系，并飞到台湾及修道院避胡百全。
其他文章：
黄夏蕙赞老公好浪漫每年情人节都送花 过年后超忙为电影《夏蕙传》选角
重温黄夏蕙上头炷香破格造型！03年被扯甩假发 神心上香全因邓碧云凤凰女？
黄夏蕙92岁寿宴！细女Maggie激罕现身香港 气质神态倒模妈咪
-------------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应