逆天奇案2丨90年港姐梁小冰孖老公拍剧 结婚逾廿载爆陈嘉辉冧妻语录
2024-04-18 22:00 
现年54岁、1990年港姐季军梁小冰最近与老公陈嘉辉以夫妻档演出TVB新剧《逆天奇案2》，今次是他们相隔23年再合作，而且更是第4度演一对，梁小冰还努力减肥，回复巅峰状态，与初出道的旧照相比，绝对是冻龄有术！
相关阅读：54岁梁小冰晒30年前旧照与现时零分别？偕多位女神去新加坡网民好唏嘘
逆天奇案2丨梁小冰陈嘉辉演出感人：
梁小冰在戏中与陈嘉辉谱黄昏恋
梁小冰在戏中饰演历尽不幸阿兰，陈嘉辉饰演的徐仁达暗恋了梁小冰30多年，重遇后终于鼓起勇气向梁小冰表白，本来梁小冰以为这段黄昏恋终可找到幸福，可惜陈嘉辉无辜卷入一单藏枪案，更遭受警方扣查。梁小冰唯有向曾愧对自己的「莫Sir」李国麟饰求助，虽然李国麟在公在私决定动用O记接手案件，可惜依然未能寻获对陈嘉辉有利证据，梁小冰最终竟决定牺牲自己帮陈嘉辉顶罪。
梁小冰与陈家辉相隔23年再合作默契依旧
对于今次与讲到与老公陈嘉辉再度合作，梁小冰笑言两人默契依旧，还笑言全靠有老公做拍档：「我哋会喺屋企对好晒啲对白，但唔会排戏，因为到现场先演会撞到个火花出嚟。我好多谢佢，佢系睇住你嘅情绪再去交对白，例如会睇住你啲眼泪流晒落嚟，佢先去下一Part（对白），冇一个拍档系可以事隔咁多年个默契都仲可以喺度。」梁小冰又大赞老公专业：「佢好有纪律，唔止准时仲会早到，所有对白都记到滚瓜烂熟，同埋佢系一个好好先生，唔锺意同人闹交，同所有人都交流得好好。」梁小冰还称与老公合作过的女演员都有赞冇弹：「好似锺嘉欣、苏玉华、陈滢、反骨琪（蒋家旻）佢哋见到我，都会话你老公好正，真系一个好好嘅对手，我真系觉得好幸福。」
梁小冰陈嘉辉恩爱30年：
梁小冰与陈嘉辉闹交靠一招收服老婆
陈嘉辉在剧中是一位痴心情长剑、对梁小冰呵护备至，现实中陈嘉辉同样是绝世好男人加爱妻号，梁小冰大方地分享老公每日的「冧猪语录」：「我老公好玩得，每日起身都会话：『你好靓喎』，结婚20几年都系咁，讲嘢好甜，就算我卷到个头好似包租婆咁，佢都话：『点解可以咁靓』。」梁小冰坦言两人亦有闹交时，但陈嘉辉仅以一招便能成功收服老婆，梁小冰笑说：「我性格系一有问题就会blablabla讲晒出嚟，佢就叫我慢慢讲、唔好嬲，同埋叫我可以选择用另一种方式（表达），例如喺最嬲时唔好讲嘢，写出嚟。以前我就写晒喺张纸上，写完几千字都已经唔嬲啦，而家就转用WhatsApp。」两人结婚多年，梁小冰直言已经是无声胜有声：「而家唔使讲嘢都知大家谂咩㗎喇，唔使咁多说话同沟通，呢个就系默契！」
其他文章：
逆天奇案2丨梁小冰陈嘉辉夫妻档开工兴奋一齐食饭盒 拍剧不用16岁儿子批准:成日叫我哋拍拖
----------------------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应