冯盈盈狂读书追求精神满足：我变咗喇告别拜金女两年内唔会拍拖丨独家

2024-04-25 07:00

冯盈盈自2016年当选港姐冠军后已是「话题女王」，是非不绝，更被标签为拜金女，前年有指衰推剧被掟入雪柜，直至拍《逆天奇案2》解冻。盈盈冇浪费人生，趁冇工开重回港大修读营销学硕士，更重新搵到定位，变身人生导师。对于被指读书洗底，刻意搣甩拜金形象？强调两年内唔会拍拖的她巧妙回应：「我会拜呢方面嘅金，就系追求书中嘅黄金屋，𠵱家我着重精神满足！」　采访：方骞平摄影：谭志光

冯盈盈被雪后搵返定位，重新出发。

冯盈盈系聪明女。

盈盈未来两年专心工作及学业。

就算有公子哥儿追求都唔会拍拖住。

盈盈懂得为自己打算。

在《逆天奇案2》中，冯盈盈不再是陈展鹏及林夏薇的「第3者」，跟打救她的暖男男友高钧贤变甜蜜CP，上演公主抱、咀嘴、小鸟依人等冧爆场口，连女导演睇完playback都大赞两人有火花。在盈盈眼中的高钧贤似大哥哥一样照顾身边人，对于两人结伴逛深圳超市被野生捕获，女方更一脸冧冧猪对住男方，盈盈即笑说：「系咪赞我笑容甜美，观众感受到我哋好有CP感呀？」

上集《逆天》时饰演进击嘅「第3者」。

在《逆天2》中喊戏连场。

喊得好凄凉。

演技大爆发。

拍前由泰臣教戏。

搵泰臣恶补演技
　　盈盈在剧中要演绎生死恋感觉，内心戏相当复杂，喊戏连场，情绪表达亦有唔同层次，虽然戏份不及上一集，但发挥好大：「为拍呢套剧，我请咗泰臣做戏剧老师，将所有场口预演一次，做定功课先去『考试』。」之前盈盈孭飞的《你不是她》曾被狠批演技，问到是否雪藏过后变得更进取，懂得珍惜机会？她打官腔避谈：「机会一直都珍惜，只系一直寻求方法做好啲，尤其唔再系新人，观众包容程度冇咁大，要拉高标准尺度，追上观众步伐……学海无涯，自知有好大进步空间，希望观众见证我能突飞猛进，感受到剧中人比第一集变得成熟及沉稳。」

同高钧贤系一对。

两人演得投入。

剧中跟高钧贤似经历生死恋。

首做女一嘅《你不是她》演技受批评。

《你不是她》盈盈孭重飞。

𠵱家系真正自己
　　提到停演两年，可有得着及启发？盈盈几乎被考起，谂咗一阵才答：「都感恩中间有段时间畀我沉淀，原来演戏要同角色有共鸣，如果剧接剧就未必感受到生活，永远去唔到另一个level。」盈盈是2016年学霸港姐冠军，当选后即受公司力捧，就算主持节目《后生仔倾下计》因言论大胆出位被封「性博士」，2018年也能极速上位夺得「女飞跃」奖，后来因跟江嘉敏去过富豪船P反晒面，被指系是非拜金女，形象急转差。不过，解冻后嘅盈盈脱胎换骨，唔止戒嘈，更加添文青书卷味，似乎刻意修正负面形象。对此，她大笑道：「唔系刻意嘅，系自然地做返真正嘅自己，咁样最舒服自在，以前为咗主持综艺节目要全情投入气氛，要开心活泼啲怕交唔到货，𠵱家展露大家未见过嘅一面，其实识我嘅人会嫌我静。」追问自我增值后，是否不再拜金？她答得巧妙：「我会拜呢方面嘅金，追求书中嘅黄金屋，𠵱家我着重精神满足多啲！去学习唔同知识先系最无价嘅财富。我打算未来两年，就算遇上适合对象都唔会考虑拍拖，因为要专心我嘅工作及学习，虽然已完成硕士学位，但啱啱又收到哈佛大学嘅商业管理网上课程，希望透过唔同嘅专业考试丰富唔同知识范畴，会拍片将学习过程分享畀大家。」

冯盈盈系2016年港姐冠军，亚军与季军分别系刘颖镟及陈雅思。

2018年极速上位夺得「女飞跃」奖。

冯盈盈跟戴祖仪、麦美恩、刘颖镟、何依婷等主持《学是疫学非》。

跟标签专埋富豪堆嘅江嘉敏high tea。

过优质生活。

透过绯闻男友郑衍峰认识富二代。

以前盈盈做综艺节目声大大，好嘈。

过往会着三点式晒吓身材。

进取盈盈。

读书先有安全感
　　盈盈不断读书但否认铺路转行，强调跟公司仲有一段时间嘅合约，只不过读书可以平衡心理压力，而且近年经历亦令她有感而发：「可能人大咗，出嚟做咗几年嘢，体会到唔系一分耕耘一分收获，有啲嘢自己好难控制到，会有不安全感，读书反而带出安全感，因为有几多努力自然得到有几多分，呢个会畀到自己努力嘅目标。」她又补充指自己心态唔同咗，更纠正一啲错误观念：「女人最大魅力唔系来自香水及外表，吸引力喺修为及内涵方面，所以𠵱家会追求精神满足（唔再追求名牌包包？）系呀，哈！我变咗喇。入行8年都希望大家睇到我嘅成长，系会成熟嘅。」