星8卦｜「阿靓」被「红人」抛弃 闪嫁「英雄」误堕骗局做摇钱树

「阿靓」都算苦命女人，同「红人」一齐嘅时候，大家系真爱，仲要系好爱嗰种，可惜「红人」当阿妈系自己条命，偏偏阿妈唔知点解一直当「阿靓」系仇人，或者唔抵得阿仔对其他女人好啩！去亲男友屋企，唔系睇面口就系开饭要坐埋一面食隔夜餸。爱情同生活你拣边样呀？「红人」最终都听阿妈话娶咗富家女做老婆，「阿靓」系见到记者问回应至知自己被分手。

「大家姐」见「阿靓」咁惨惨，即刻介绍「英雄」畀佢识，初时「英雄」无句真，话畀「阿靓」知自己喺大城市做生意，今次返香港系探亲戚，好希望同佢发展吓，索性提出叫「阿靓」跟佢去嗰边培养感情。「阿靓」都无晒理智唔谂咁多，难得有个男人对自己好，又可以离开伤心地，梗系第一时间应承，连事业都摆埋一边。

过到去一个人都惊㗎，好彩「英雄」都对自己唔错，所以两个人半年就结埋婚。点知婚后男人现出真身，原来所谓嘅生意其实喺亚洲搵啲有钱人过去不务正业，「英雄」就系睇中「阿靓」嘅身份帮到自己搵客，生意额大增，但「阿靓」就觉得自己比以前凄凉一百倍，想话返香港又俾「英雄」收埋本护照，而家就等香港朋友出手救佢返嚟。

 

相关文章：

星8卦｜「乖乖」大红搵钱 「长辈」同经理人嘈分钱出粮自己使

星8卦｜「叠叠」嫁错老公 搵到金主即离婚自救

星8卦｜「笑笑」「乐乐」为争仔出高价搞到反面 「俊俊」吊高卖怕得罪人

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow