吴丽珠罕谈与陈百燊许冠武恋情自认傻 爆佘诗曼妈妈感情状况：贪你啲老人除咩？
2024-04-29 10:00 
现年63岁、经典综艺节目《欢乐今宵》台柱吴丽珠淡出多年，转型从商的吴丽珠经常与圈中人聚会，不过鲜有恋情传出，至今仍是单身一族，先后陈百祥胞弟陈百燊和许冠武拍过拖，日前吴丽珠罕谈当年与两人相处的经过，原来她与佘诗曼的妈妈是好姊妹，提及好友目前的感情状况！
相关阅读：63岁吴丽珠贺生日外貌逆龄生长 曾恋歌神胞兄12年一原因分手
吴丽珠罕谈与陈百燊和许冠武相处经过：
吴丽珠早前接受好友邓英敏的YouTube节目访问，单身多年的吴丽珠表示目前是人生的最高境界，原来是「戒酒不戒色」，她笑说：「酒唔系唔饮，只是浅尝，但系识男仔唔同，有时出去吃饭，多少要应酬，识到啱倾咪倾吓，拍下散拖。我之前试过同跟外籍人士拍拖，佢哋从事唔同行业，有一个系西门子嘅工程师，喺上海做磁浮列车，层次好唔好同。 德国人嘅性格好得意，佢哋好有纪律，例如约你八点就同你对表，比我更准时。」在访问上吴丽珠表示还试过与新加坡人、美籍俄罗斯人和意大利人，当然还有中国人：「整体嚟我觉得外国人比较浪漫，佢哋每一日都讲『I miss you』、『I love you』， 一天至少五次，我觉得好难顶，好闷，可能大家嘅文化不同。」
吴丽珠曾与陈百祥胞弟陈百燊和许冠武拍拖
吴丽珠先后陈百祥胞弟陈百燊和许冠武拍过拖，当年与陈百燊是训练班同学，谈到当年与陈百燊的一段情，吴丽珠罕有地说：「嗰阵我好后生，读紧艺员训练班，得嗰19岁，其实嗰阵我都拍紧拖，嗰个男友晚晚都我嚟接我。跟住我唔知点解陈百燊拍拖，真系傻更更，原本同我拍拖嗰个男仔梗系好嬲，我哋喺车上便倾，佢好嬲咁揸得好快，跟住仲撞埋，所以大家就摊牌讲清楚。」吴丽珠与陈百燊拍拖有八年多，突然有一刻发觉对方不适合自己，邓英敏问是否与司马燕的话有关？吴丽珠说：「唔系，系忽然间，我知道佢好难受，我明白，我系冇第三者。」邓英敏追问有否说话向陈百燊说？吴丽珠说：「我自己真系唔知点解，所以对唔住，可能缘份尽咗。」
吴丽珠和佘诗曼妈妈是闺密？
过了一段时间，吴丽珠遇上许冠武：「其实系工作关系，以前搵我登台，接触多了拍拖，我哋都拍咗11、12年，去到谈婚论嫁阶段，突然间临崖勒马。喺95、96年，差唔多结婚走咗做地产，发觉有啲唔妥，本来仲喺拉斯维加斯搵咗个证婚人，后嚟我哋分开咗。我知系好伤害许妈妈，佢好锡我，但系冇办法。」吴丽珠续说：「我发觉我喺感情方面都是傻更更，而家睇番转头，两个都唔系我杯茶，再㨂都唔会㨂返呢一种人，当时拍拖唔觉，傻更更咁盲咗20年。」
吴丽珠唔抗拒再拍拖
过往吴丽珠与朋友聚会时，经常发现佘诗曼妈妈的踪影，原来吴丽珠和佘诗曼妈妈是好友，经常结伴旅行，是很合得来的朋友，吴丽珠笑说：「正如佘妈妈同我讲，而家搵个男朋友，唔好搞我，贪你啲老人『除』咩？而家搵个一脚踢佢去大西洋，我就唔抗拒，我而家都同唔同对象交往，好似像贾思乐，我最近见佢72岁嘅家姐喺外国结婚，真系我嘅『强心针』，总之有咪食罗！」
其他文章：
62岁吴丽珠惊喜客串《爱回家》依然有少女味 曾转做地产经纪学再闯直播带货
《开心华之里》29周年盛产美女 杨羚变少奶欢乐小姐吴丽珠变商界强人
--------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应