83岁何守信罕受访嬲爆投诉林建明？近年曾跌倒养生靠做一事 游台好运避地震
2024-05-05 10:00 
有「金牌司仪」之称的何守信（何B）于2018年主持完世界杯节目后，便回加拿大与太太陈丽斯生活。神隐多年的何守信，早前因林建明（大姐明）在facebook泄露他返港的行踪而引关注。何守信近日获旧拍档杜雯惠邀请上港台节目《开心日报》做最后一集嘉宾，何守信表示被林建明Post上网感到不满。
相关阅读：「金牌司仪」何守信神隐多年激罕曝光！银狐灰发外貌多年不变掀起昔日回忆
何守信不满林建明泄露返港行踪：
现年83岁的何守信，前日（3日）以嘉宾身份现身港台节目《开心日报》，久未受访的何守信仍然口齿伶俐，他说起被林建明泄露他返港的行踪时似乎很生气：「呢次返嚟你哋咁快知道，多谢大姐明，大姐明系好有我心，冇人知我返，我返嚟就联络咗亚视监制霍泽基，我同佢不嬲都有来往，我哋每年都会打一场麻雀。霍泽基同大姐明好熟，俾佢知道，佢话：『何B返嚟，我要见佢，我要去你食饭嗰度一齐食饭，见吓佢啫！』见吓，我咪OK罗！嚟到要影张相，点知呢位阿姐好锺意抛上facebook。」
何守信坚持每日做运动
何守信返港消息曝光，近照更获大批网民赞keep得好，他说起自己养生之道是每日坚持做运动，「其实系冇咩养生之道，主要系运动，我真系好锺意，自己做有，亦都锺意睇，一把年纪，好多运动我系做唔到。」何守信亦指自己当年打甲组篮球，足球也有踢，「但我已经冇掂过篮球40年，呢啲咁剧烈嘅运动，我哋呢啲年纪好容易受伤，有个概念『自己以为仲得』，但原来唔得！我话畀听众、朋友知，你经常运动唔使好剧烈，如果能够坚持每日都步行，就已经好好，唔系跑步，系步行，可以急可以慢可以随意，而且千祈唔好定我今日要行1万步，我今日要行个半钟，我的经验，步行不需要定行几多，你尽量随意去行，锺意时行快些，攰就行慢些，到微微出汗就收，只要每日坚持就好好。」
何守信指自己适合的运动是打高尔夫球，间中也会打羽毛球，但切记不要「追波」打，「早几年，我有一、两次忍唔到，我都仆咗一跤，我就醒起，何守信，你依家唔系40年前，我就好轻微咁郁吓，个人意见，我唔系好锺意去gym，一来我好锺意户外，见到太阳、新鲜空气我就开心，攞吓錏铃，我自己郁手郁脚都唔知几好。」
何守信连续15年做港姐司仪：
何守信多年夜瞓不吃早餐
何守信因为做《欢乐今宵》养成了夜瞓的习惯，至今也没有改变，而且多年都没有吃早餐，「我以前做《欢乐今宵》，每日返下午两点，每晚收工唱晚安歌都已经系11时15分，咪咪摩摩返屋企都唔使谂啦！唔好讲食宵夜，点可能唔夜瞓呢…日子久了，凌晨12点至3点时光，我自己控制，冇人可以骚扰我，我好多嘢做，时差问题，我好锺意睇体育节目，无论英超、NBA，甚至系优霸杯都唔会错过，我系睇live。」
何守估3月去宜兰花莲逃过一刧
何守信每次返香港都是探亲，他百份之99的亲戚都在香港，他的辈份是家中最大，每年新年也会返港派利是给细佬、妹、子侄、外甥、侄孙，这趟返港后，更去了中山及珠海探堂弟，又去了台湾的宜兰、花莲旅行，「3月底去了台湾5日，以前去台湾好多次，通常去高雄、台中、台北、基隆，从来未去过东面，今次去宜兰花莲，返嚟不足一星期地震，嗰啲画面我有见过，几好彩，亦都戥嗰个地方好难过。最近我又搭高铁去潮汕，呢啲叫见识。」
其他文章：
70年代花旦温柳媚激罕现身状态令人惊奇 曾恋何守信分手狂轰对方滥爱
EYT好友会联欢晚会丨夏雨珍惜与200人大聚会见一次得一次 超多艺人惊喜现身
61岁戚美珍变银发族零妆容优雅地老去！曾遭谭咏麟笑「肥珍」获苗侨伟man爆反击
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应