专栏｜纽亚过气了吗？

纽亚对皇家马德里因为尾段一个失误，令拜仁慕尼黑欧联4强出局，失咗呢球马上兵败如山倒，被祖斯奴梅开二度，令到今届温布莱嘅欧联决赛未能再上演德甲打吡。

纽亚近呢两年都受到伤患困扰，亦被人质疑佢嘅表现，唔应该再系德国国家队正选，系时候轮到巴塞隆拿嘅达史特根。不过依两场嘅欧联赛事，佢再一次成为主角，三番四次嘅扑救力保拜仁不失，要知道佢迎接高空波同埋一啲近门撞射都能够救出，反应依然无慢到，次回合总共有4次扑救，不过佢犯咗个100次可能先得1次嘅犯错，可以话系无办法。永远龙门呢个位置，只会记得佢嘅犯错。

我哋再评论一下佢嘅用波，其实都系咁淡定有钱剩，85%嘅传球成功率，视野仍然非常之广，左右脚都系好稳阵，有球印象好深刻，洛迪高高斯埋去逼佢，佢都可以一脚推开，然之后左脚斩畀队友。佢嘅用波，仍然系世界第一。

仲有一样大家会忽视咗嘅，系佢嘅提场系中流砥柱，指挥住双迪组合嘅防守，用佢嘅经验话俾队友听点做，尤其是防守死球嘅时候，显得佢喺拜仁系好重要，无乜边个可以取代到。

所以嚟紧欧洲国家杯德国国家队仍然选用纽亚，其实都系一个正确嘅选择，今年始终德甲系欧洲大户，表现之好，令佢值得正选席位。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ