星8卦｜「动物」同「生姐」拍拖尽使 衰咸湿断正被飞抵死

「生姐」 已经进入人生另一境界，爱情对佢嚟讲完全唔系一回事。佢啲品味完全唔关钱银或才华事，好似「动物」呢一位，莫名其妙挞着，好快就住咗入去佢嘅港岛豪宅，食嘅用嘅都系「生姐」畀，仲要系格好衰，当「生姐」工人咁使，去街市买餸都系「生姐」拎晒一袋二袋。有次去机场仲离谱，「生姐」一个人推住四个行李，「动物」好似大爷咁喺前面自己顾自己，两手空空不知几自在。

或者呢啲叫做还债，「动物」返大陆叫做搵到个钱，开始身痕，直到有次多手多脚搞到大佬条女，完全断正，大佬好阴湿，完全唔出声，只系将当日影低嘅证据交畀相熟传媒，材料一出佢就梗系乜嘢形象都无，仲搞到好大镬 。

「生姐」见到唔系好嬲，但觉得超级无面，于是即刻搵锁匙佬换门锁，亦封咗「动物」嘅电话，佢系个有咗决定就好冷静嘅人，「动物」亦无心机去氹番条女，以为佢平时任自己舞，今次一样过关。可惜佢计错数，「生姐」反正无公开过呢段关系，当对方透明唔存在世上都无人话佢乜嘢，「动物」其实喺两情相悦时去得太尽，一过女人嘅底线，就完全返唔到转头，绝情起嚟，女人至系最极致。

 

相关文章：

星8卦｜「出色」花心死缠唔肯分手 「珠女」撞正天体派对嬲到出烟

星8卦｜「叻叻」靠卖料赚人情外快 艺人敢怒不敢言任由宰割

星8卦｜「扮嘢」结婚玩神秘得罪全世界 生女想复出被嫌弃

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow