专栏｜重新开「车」 欧霸位好稳阵？（上）

车路士依个下半季表现得非常好，如果净系计下半季系可以上番头4，近5场更加踢出4胜1和嘅走势，究竟有啲乜转变？即刻深入浅出探讨一下。

首先当然要讲及安素受伤，安素费南迪斯与摩西斯卡些度一同在场，效果永远系1+1=1，就好似双特咁，而凑巧安素受伤要做手术，逼使肥普要用到季初嘅三中坚去Build up。3-2 Build up系潮流，用法都系好简单，就系将古古列拿收入中间，同时三个中坚拉开，前面三个进攻点再加干拿加历查，变相经常可以压住对手嚟踢。

肥普并无一本天书睇到老，最深刻印象系对住森林场波，森林Low block + Mid line防守，令中路滴水不漏，输到1:2后，肥普立刻大刀阔斧，将3中坚Build up改成今季常用嘅侧翼进攻，效果立竿见影，先靠史达宁嘅个人技术，攞远柱入波；第2球凭列斯占士伏兵边线，马路古斯图同卡些度一次撞墙，然之后直接掟个波去边路，RJ一出，尼古拉斯积逊头槌入波！将帅凭高质素嘅表现反胜对手。灵活嘅肥普，将佢过去被认定为迟换人甚至唔换人嘅评价扭转。

车仔反弹除因领队战术上嘅部署之外，有无个别球员提升？我留番下集再讲。不过今个星期日若果热刺输波，我哋车仔赢波嘅话将会上第5，锁定来届欧霸资格，嘻嘻。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ