细细粒丧减143磅公开深罅泳衣照有腰有胸搵到钱等王祖蓝介绍笋盘丨独家

2024-05-24 07:00

下周三踏入39岁的陈嘉佳(细细粒)高峰期体重达286磅，拥40G「大骑楼」之馀，更孭住超过43寸的巨型水桶腰，长期挡住视线，企直永远望唔到脚趾，自己知自己事，多年来都冇勇气着泳衣。瞓身激减10个月，厚切细细粒终变薄切，更于牛一前夕心血来潮影了一辑泳衣相，相中细细粒终于见返条腰，开始减肥后首先瘦的双腿更加纤幼。细细粒最新体重143磅，更开心自爆三围36E、29、36，上围仲Keep到，恭喜晒。采访：方骞平

减肥前有40G「大骑楼」。

143磅的细细粒潇洒骑上马背。

38岁变咗索女。

细细粒大晒成世女冇见过的完美下颚线。

下周3迎来39岁生日。

两个月前细细粒公开超靓体检报告，更开心爆喊。

最开心喺40岁前完成咗一个心愿：『哗！细细粒都可以瘦喎！』

展示回复正常嘅体检报告。

古代肥嘟嘟美女。

未减肥前衣服包都实都见周身肉。

拜拜肥妹阶段。

体重高峰期达286磅，巨腩好吓人。

腰围达43寸。

减肥前系河马身形。

一日食超过5餐。

爱食甜品。

陈嘉佳为记录减肥成果，每个时段都会影低当时的身形，成功搣走之前体重的一半共143磅的她，着上黑色连身阿婆泳衣更加显瘦，配上奀瘦手脚，视觉上将整个人拉长，好彩保得住上围，3寸深坑事业线好突出。不过细细粒仍未满意，嫌自己仲系好「大只」，生日前未去到24腰及132磅：「现阶段最开心见到成世女冇见过嘅完美下颚线；而且上围又唔算好缩水，减肥后仲保持有E cup㗎，都唔错。」

细细粒着阿婆泳衣晒超Deep事业线，明显可见巨腩消失，更因双腿纤幼，视觉上拉长咗成个人。

细细粒见到啲骨。

从背后可清楚见到细细粒的肩胛骨，如神迹一样。

快速激减皮肤松又皱
细细粒表示会再减多少少，做啲力量型运动去收靓身形：「𠵱家冇乜上磅，唔系追数字而系追线条，的确减咗太多喇，啲皮又松又皱，暂时唔敢着比坚尼，就算最新三围数字36E、29、36都未系最准确，因为啲皮层占好多寸数，要收紧晒啲厚皮先度得啱。𠵱家我着紧人生第2条长牛仔裤，系买28寸裤头，不过，我新陈代谢快，好大汗又怕热，焗住双腿感觉唔太好。」她指减咗10个月学会节制食量，饮食习惯已打回原形，雪糕、炸鸡、淀粉质(只能占30%)乜都食，食完翌日再减量。

由加加大码变中码，皮肤难免会松驰。

出现有橙皮纹。

细细粒减肥后终可着上人生第2条长牛仔裤。

细细粒唔LIKE着黑牛。

细细粒返港陪妈妈，唔忍口照食甜品。

之前喺澳洲做直播时食海鲜食得好开心。

放肆食榴槤。

细细粒唔戒口食薯条及汉堡包。

唔介意被批身形古怪
对于减肥后被笑头大身细脚又幼，身形古怪如卡通人，细细粒零介怀更风骚说：「傻猪，脚瘦咪仲靓，好彩脚幼咋，否则点觉得我有瘦过呀？唔好咁介意别人嘅眼光啦，系为自己而活嘅。6月我开始做运动，希望条腰瘦啲，咁样就会更突显三围。其实条腰肥咗咁多年，边得咁易瘦吖？」至于有冇觉得减磅后索咗？她笑言：「都39岁人啦仲靓乜鬼，不过，精神好咗，面色好好，冇论论尽尽，而且会少咗啲尴尬事，如去服装店得唔到service，售货员睇死你买唔到嘢。」她又突爆陈年不公平事件，「细个同朋友一齐食饭，话我大食要夹多份钱。」

双腿纤幼，瘦到见骨。

网民担心她暴瘦后嘅健康问题。

变可爱甜妹。

变索后唔知有冇追求者呢？

重现迷人锁骨。

减肥后似13岁时样貌。

14岁已变小肥。

曾被王祖蓝拉入减肥营减肥。

减肥前精神不佳。

售健康产品收入大减
另外，细细粒坦言减肥后，做直播带货收入明显少咗：「要顾及跟紧我减肥嘅人，怕佢哋会误解，以为减肥时可以食零食，所以唔会推售雪糕、薯片、朱古力，只能出售零糖低脂嘅健康产品，选择种类受到局限，而且反应一定冇食播咁好。」她估计最快明年就可以恢复Sell零食，「到时跟我减肥嘅都应该减到，暂时搵少啲唔紧要啦，又唔系样样睇钱，呢一年分享我嘅健康生活都几正能量，所以近期开咗『细细粒健康生活官方网店』，分享食开嘅健康产品及减肥进展，希望有多啲follower，帮到决心减肥嘅人。」至于39岁生日愿望会否想搵另一半？她强调仲有好多目标未达成：「王祖蓝讲咗几年话做媒，佢有笋盘会介绍，缘份天注定，不可强求，我反而想好好做事，事业更上一层楼，最开心喺40岁前完成咗一个心愿：『哗！细细粒都可以瘦喎！』系呀！我真系做到喇。」