星8卦｜「小生」扮锺意女仔沟掂「马骝」放唔低「短脚」情路多磨

2024-05-28 11:30

「小生」真系叻仔，将自己真正嘅性取向隐藏，呢种雌雄莫辨嘅错摸，反而令囝囝囡囡都有幻想空间。一直大家都奇怪「小生」点解可以咁横行，见到大机构嗰位「势利」将佢带出带入，就知道「小生」家境一定唔错，仲肯定畀咗好多好处「势利」𠻹。

「小生」有一排狂追「马骝」几乎摆晒上枱畀人知，大家以为「马骝」今次终于泊到好码头，「小生」又好似做到好深情认真，「马骝」直情春风满面啦！但奇就奇在「小生」太过君子，揽揽锡锡嘅程度都唔似好热恋咁，「马骝」开到声问佢系咪有童年创伤，「小生」都话自己比较慢热啫。

事情到而家都解决唔到㗎，两个人好似有嘢，但只有当事人至明中间嘅微妙之处。「马骝」觉得佢都系一个好人，又叫有啲家底，好似买嘢畀自己，「小生」都算大方，佢觉得多咗个异性知己多啲而唔系男朋友。

最近「小生」终于肯坦白，原来佢最爱系当日一齐比赛嘅「短脚」，对方衰在放唔低识于微时嘅「哥仔」，所以无办法同「小生」行远啲。加埋屋企唔接受，佢就试吓同女仔，「马骝」性格爽朗又有大家姐风范，自问对佢系有好感，呢种矛盾心情，「马骝」又好体谅，反正自己又未有目标人物，咪由得呢段雾水情缘继续罗！

紧贴最新最快新闻资讯，请立即下载星岛头条App：https://bit.ly/3Q29Vow

關鍵字