颜国梁逝世丨太太霍洁贞首开腔忆述老公抗癌经过：我以佢为荣！大体老师遗愿有变数留上天安排
2024-05-29 16:36 
曾于TVB经典处境剧《香港81》饰演「陈积」的颜国梁在周日（26日）惊传离世，享年71岁。颜国梁生前与太太霍洁贞鹣鲽情深，颜国梁曾透露三度踏入鬼门关，当中两次幸得老婆救回一命，虽然颜国梁已立遗嘱，但在2022年宣布与霍洁贞结婚。颜国梁的离去，霍洁贞的心情当然沉重，她首开腔称目前专心为老公打点后事并称：「我以佢为荣！」
相关阅读：颜国梁逝世丨梁思浩含泪忆颜国梁！难忘故友与妻私下恩爱一幕：到呢刻都唔会忘记
颜国梁霍洁贞昔日合照：
霍洁贞首开腔谈及老公离世后心情
颜国梁和霍洁贞在TVB结识并相爱逾40年，在2022年颜国梁患上「鳞状细胞癌」时，当时霍洁贞无微不至照顾，颜国梁曾透露三度踏入鬼门关，当中两次幸得老婆救回一命。虽然两人迟迟未注册，但颜国梁早已立下遗嘱「清清楚楚乜都系佢嘅」，不过仍决定要给霍洁贞一个名份，可惜颜国梁最后不敌病魔，在周六（25日）晚上离世。霍洁贞昨日（28日）首度开腔，接受好友邓英敏主持的YouTube节目《颜国梁‧忘不了你》网上追思会的访问，一直坚强与老公对抗病魔的霍洁贞说：「系沉重啲，但系OK，我好感恩身边有好多锡我嘅朋友，喺呢段时间喺我身边帮我，我系好感恩。」
颜国梁丧礼希望以佛教仪式进行
对于颜国梁后事的安排，霍洁贞说：「今（噚）日同殡仪有初步接触，希望以佛教仪式进行，但系日子同各样嘢系未决定，要攞咗个死亡证先，其他嘢一路进行紧。」颜国梁一直淡然面对病情，他曾表示得知患病时，唯一第一时间问医生一个问题：「我2013年参加咗港大嘅『大体老师』计划，咁而家张卡系咪畀你？」，当时颜国梁还说：「呢个唔系讲笑，我知道做『大体老师』嘅人，当佢一离世，遗体就要即时处理，所以先会咁同医生讲。」
颜国梁「大体老师」遗愿有变数
不过霍洁贞表示这件事可能出现变数：「我有打过电话去『大体老师』嗰边，但系答覆因为师傅嘅磅数系190几磅，佢哋收嘅遗体要under 180磅，所以应该唔会接收。但系佢哋有同我讲，可以试吓『无言老师』嗰边会唔会接受，我都有打电话去嗰边，佢哋暂时都话可以畀啲资料佢，睇吓会唔会接收，不过喺我心目中，做唔做到老师都唔紧要，最紧要系佢本身嘅心愿想咁做，原来个天觉得OK喇，唔使佢咁做，所以我都系平常心，做到就做，做唔到都紧要。」
颜国梁早期珍贵照片：
霍洁贞忆述了颜国梁临走前的一件事
邓英敏曾透露颜国梁在本月20日因呼吸困难入伊利沙伯医院，在周六（25日）晚因为肺炎引致呼吸急速而离世，霍洁贞亦忆述颜国梁临走前的一件事：「今次入院头嗰3日，医生都唔畀佢食嘢，佢一直都好恨食嘢，咁到第四日我同医生讲，可唔可以畀佢食啲糊仔，咁医生就应承咗，第二朝佢好犀利，先食医院嗰个早餐，火腿通粉同双蛋，晏昼饮埋杯咖啡，跟住饮杯维他奶，食两条面包，夜晚就饮埋汤，再食埋面包，嗰日佢好开心，呢日系佢临走前两日即系23号。佢真系好锺意食嘢，佢好开心同我讲，所以我觉得佢真系好正面，唔谂咁多嘢，有得食就尽情食，尽情享受！」
霍洁贞专心办丧事并以老公为荣
颜国梁生前与太太在上水经营宠物店，问到今后的去向，霍洁贞说：「我暂时都会继续做，其他嘢暂时都唔谂住，最紧要系帮我老公搞掂啲身后事，做得好好睇睇，希望佢满意。」霍洁贞还说：「佢有佢嘅脾气，不过佢系好锡我，但系佢锡嘅方式唔系一般喺把口度讲出嚟，我系明既。」至于有否甚么想向老公讲？霍洁贞说：「我以佢为荣，佢好正面、勇敢、乐观同坚强，佢真系叻。」
其他文章：
颜国梁逝世丨梁思浩公开颜国梁最后访问窝心细节 要求拍靓前艺人太太留美好回忆
「陈积」颜国梁惊传死讯！享年71岁 梁思浩贴合照：颜先生一路走好
颜国梁逝世丨邓英敏揭颜国梁死因！原定今日往医院探望 指颜国梁太太表现坚强
颜国梁传逝世丨颜国梁上月曾现身节目称身体OK 忆患癌昏迷险踏鬼门关获太太做一事续命
颜国梁逝世丨69岁宣布结婚娶前艺员太太 一个原因拍拖多年未有注册
颜国梁逝世丨2022现身台庆自揭患鳞状细胞癌 公院留医好无助 年初昏迷有幻觉
74岁颜国梁抗癌化疗一度甩头发 北上被捕获惊变白头翁精神奕奕
颜国梁患鳞状癌三期多次走出鬼门关 愿做大体老师令生命更有意义
颜国梁去年受访自爆长期饮酒致疴血尿幸没患癌 自揭声带生瘤后网民涌旧片留言祝福
73岁颜国梁宣布将结婚 耗尽积蓄治癌取伤残津贴感谢另一半照顾
-----------------------------
紧贴最新最快新闻资讯，请立即下载星岛头条App：https://bit.ly/3Q29Vow
最新回应