区文诗澄清非忽然富贵：生活一直无忧 8年前压力大生到成头疮淡出娱圈丨独家

2024-06-01 07:00

41岁的区文诗（Angela）相隔8年重操故业，返港台主持《Music Angel》，透露当年因压力致身体响警号离开娱乐圈，𠵱家大个女识谂咗，可以取得平衡。翻查报道，Angela总跟忽然富贵联上关系，她强调入行以来一直没经济压力，亦有搞生意，所以生活可以随心所欲，生活无忧并非近年嘅事。采访：杜杜摄影：Stanley

Angela不愿透露感情状况，更澄清拍拖29次的报道，「意思系好多次，唔系实则数字，认真拍得几个。」

Angela自16岁拍电影《无人驾驶》入行，之后做电台节目，表面多姿多采，其实不断掏空自己，「要留意周围有冇嘢可以喺节目讲，去旅行要影3批相，分别自己keep、放社交平台及畀相熟记者，好怕错失每个工作或曝光机会，连家居相都公开埋。」最后压力致身体响警号，「额头生咗好多压力疮，皮肤科医生话呢啲系无形压力。」

Angela之前因为身心都攰，放弃做了13年的DJ工作。

Cookies前队友有新闻传出，传媒最爱问Angela回应。

想拍恋爱真人骚

因思想和心态转变，Angela决定复出，「岁数转咗字头，去咗人生另一阶段，呢8年试咗好多嘢，经历社会运动同疫情，对好多嘢睇法亦唔一样，可以享受工作，唔似以前模式要不断追赶，电台同事搵我，觉得OK可以试吓。」复出唔代表要跟以前一样，无底线公开自己所有嘢。「影家居嗰啲未得，谂返以前公开晒有啲匪夷所思，屋企其实系我最后防线。」另外，她最想试真人骚，「好锺意睇但未试过，拍求偶嗰啲应该几有趣。」

DJ工作不能经常离港，Angela离职后狂去旅行。

Angela在这8年学了很多技能，包括滑雪。

对于被指忽然富贵，Angela强调经济条件一直唔差，「之前做玲玲姐（麦玲玲）节目，佢都提返『同你第1次认识，你揸住架开蓬车嚟开工』，唔系你哋𠵱家口中嘅生活无忧，其实一路以嚟都唔差。（家底厚？）只可以话屋企冇乜好大负担，得返妈咪。」而她亦有搞生意，只是没在社交平台出po，更指网媒经常误报消息。「普通人返工都唔会po返工相啦！其实系放大咗，家居照就有报导话系我屋企，其实系朋友屋企。」