星8卦丨「秃头」样丑但识氹女「长面」唔够「妹妹」争输得好失礼

2024-06-07 11:30

有时真系唔明啲女人点解会锺意呢种男人，好似「秃头」咁除咗因为系着制服出身，而且职级够高，所以一直啲女人未停过。到佢后嚟入咗行，亦做返以前老本行嘅岗位，所以好入型入格，加埋识埋啲人都好帮到手，大家都好尊重佢。

好似「妹妹」同佢做过下节目，细成20年就觉得「秃头」好博学又够man，连第一次俾埋佢都觉得好好彩，但最终佢只系「秃头」开口埋口话呢啲咁好嘅女仔对自己都无要求。同期就系「长面」，佢一直都以才女自居，睇唔起圈中男人，觉得自己矜贵啲，「秃头」呢个男人仲系佢倒追番嚟，但又成日觉得自己够魅力成为佢唯一一个。

话说有晚风雨交加，「秃头」车住「妹妹」返佢屋企谂住开心下，点知「长面」伏系大厦停车场门口，飞扑埋去「秃头」架车头，披头散发令到「秃头」以为撞鬼，更估唔到「长面」癫咗咁拉「妹妹」落车一巴二把打落去，仲系好恐怖咁大声尖叫，完全失晒控，大闹佢抢自己男人，「妹妹」好可怜咁又喊又求饶，要惊动看更卽刻报警。

件事之所以无俾人知，全因为「长面」够手段将所有嘢㩒住，但「长面」之后梗系即刻被飞，「妹妹」到而家仲系迷恋呢种渣男，真系冤孽。

其他文章：

----------------------------------

紧贴最新最快新闻资讯，请立即下载星岛头条App：https://bit.ly/3Q29Vow

關鍵字

星8卦丨「大少」虐待「娇娇」遇上「大爷」相逢恨晚爱得痴缠