冯允谦为Jer写新歌 被花姐问：点解唔Keep返俾自己

柳应廷（Jer）的《一首歌的时间》Project，继岑宁儿后，今次邀得《约齐灵魂在坟墓开生日派对》的作曲人冯允谦（Jay），今次除了与Jer一同演绎这首新歌外，他自己亦带来新歌《在爱面前投降》，歌曲同样难唱，结果二人在录音室拍摄一Take过版本时，彷如上演一场高音比试挑战。

Jay表示3年前已经好想写只歌俾Jer，一直等，𠵱家终于有机会！

Jay写了新歌给Jer后，被花姐问：「点解唔Keep返俾自己？」

两人上一次合作已是3年前的网上音乐会，Jay坦言今次见到Jer的转变，就是多了好多信心！

Jer亦看到Jay的转变，指Jay写的曲风愈来愈有层次和味道。

Jay亲自解说创作此歌背后鲜为人知的故事：「3年前已经好想写只歌俾Jer，一直等，𠵱家终于有机会。Jer一做起Send首歌俾我，我就有啲羡慕，有Carl叔叔编曲，将一啲唔同元素放咗落去，例如The Beatles，感觉好实验性，再加上你嘅Vocal，令到只歌真系Belong to you。」Jer笑言一直想找Jay写歌，因对方很有实力、作品超级出色，脑海中设想Jay创作的歌一定好难唱，于是用了大段时间去揣摩。Jay又续道：「我公司听完首歌问我，点解呢只歌你自己唔Keep？就连花姐都问我点解唔Keep返俾自己，不过写歌系一样好Personal嘅嘢，同埋真系要听到artist把声喺我个脑里面，呢首歌一谂就谂到你。」Jer表示：「我好用心去唱，因为听旋律就知道真系会好好听，所以真系要俾心机，唔可以得失你呢首歌！」

两人上一次合作已是3年前的网上音乐会，今次在Studio合作，Jay坦言见到Jer的转变：「多咗好多信心，因为3年前第一次合作嘅时候，Feel到你有啲紧张，但𠵱家绝对系Relax。」Jer则偷偷表示：「𠵱家系识得喺紧张嘅时候扮唔紧张，其实内心都好紧张。」而Jer亦看到Jay的转变：「佢写嘅曲风愈嚟愈有层次同埋味道，特别系佢帮我写嘅新歌，系好好！」Jay随即𢱑捞：「你都唱得好好，搵我多啲写歌可以吗？」Jer即爽表示争首R&B！