Sumling怕走光难再着：需要找数先用　首出Solo歌MV着「芯」门大开造型丨独家

2024-06-28 06:00

Sumling（李芯駖）@COLLAR最近推出首支solo歌《SPYLING》，成为第3位成员出单曲，她既紧张又兴奋。歌曲以特务为主题，原来她一个人旅行，都爱玩潜藏身份。讲到MV以性感「芯门大开」装演出，她坦承该套衫易走光，难在现场演出再着，「有机会需要找数先用罗！」采访：杜杜摄影：谭志光形象:Daniel Cheung 发型:Ricky Lam 化妆:Kineks Ho、Jenny Fung 服饰:Dion Lee&The Attico from Lane Crawford、APM Monaco 场地:Pier 1929 (湾仔码头）

Sumling不介意作性感打扮，最重要作品和场合适当。

Sumling同公司有共识，不想为做而做，搵到适合的歌才出solo，而《SPYLING》一听便爱上，被当中有趣节拍吸引，「中间有段好似有啲特务嘅感觉，好似要潜入啲空间完成任务，几得意，就同填词人林宝及MV导演倾。」林宝将退役FBI写的书《像间谍一样思考》，发展成歌曲概念，「本书系教人用间谍手法，喺现实生活中得到想要嘅情报，林宝就谂到有时人难免有要隐藏啲嘢，但系某啲时候都应该要做返自己。」

Sumling要一个人拍晒整个MV，结论是比拍团歌攰。

Sumling首次拍MV冇队友陪伴，直言有点空虚感觉。

单独旅行会潜藏身份

现实中，Sumling最爱潜藏身份就是单独旅行时，「会着到全黑，总之扮到好似当地人咁，唔觉得我系游客，唔会打我主意。」因她试过在西班牙着晒靓裙，set机帮自己影相时差点出事，「当时系日头，全个广场都冇人，周围有好多保安，我摆低个袋喺相机隔离，校咗10秒行开，但转头就见到个男人伸只手喺我同个袋之间，差一步就掂到我个袋，应该系想偷个袋，佢见我发现即刻赞好靓想同我影相，我好惊即刻执嘢走，嗰次我好游客样，之后都唔敢啦！」

得知Sumling出单曲，COLLAR队友都主动给意见。

队友为在《KKBOX》演出时受伤的Sumling庆生。

Sumling出席《第六届KKBOX香港风云榜》造型同样性感。

讲到MV的「芯门大开」造型，Sumling话该套衫并非首选，「系后备第3、4套嚟，试完意外觉得几靓，设计几得意，我都锺意试新嘢，经理人都惊跳舞有危险，黐咗好多胶纸稳阵先用。」不过她讲明因太性感，该造型好难现场表演着，「远睇冇乜嘢，但近睇有少少危险，真系几性感，或者有机会需要找数用罗！哈哈！」讲到近期表演有不少性感造型，她就相当接受，「性感咩？！真系要问吓造型师！我系偏向健康感觉，如果作品或者场合系衬，唔介意攞啲性感特质出嚟。」