专栏│德国出局拿格斯文功大于过

2024-07-07 07:00

德国8强对大热冠军西班牙可以话系冠军前哨战，赛前很多人会评论富克洛还是夏维斯正选，望到个正选阵容后，又会质疑利莱辛尼与安利简恩取代咗安特列治及科利安华迪斯嘅正选，令人觉得拿格斯文呢场正选名单系咪摆错人？

我赛前都系同大家一样谂法，但事后睇返呢场波，其实望见富克洛做串连的确系有难度，尤其是佢传波走位同球员唔系好夹，经常会有误会，虽然佢善顶善射，而夏维斯拥有推前10码嘅能力，帮手做串连的确系更加适合。

而辛尼真系认真踢波，几令我估唔到，有一球明明甘美治喺右边边线传唔到位，但佢竟然全速落返嚟接应球波仲要交到出去，再加上华迪斯其实入波之前出嚟嘅状态都系麻麻哋，即使入咗波之后，去到加时都有一球反击可以交横但系兜兜转转，结果横传畀富克洛射斜。安特列治染咗个头发，但系失波就绝对关佢事，丹尼尔奥莫后上入楔，正正就系佢冇去贴身看管，令到德国落后。

完场后再回顾返，其实德国在拿格斯文上任之后，短时间内搵返却奥斯，真系算系咁，呢场波要话成也却奥斯败也却奥斯，中场覆盖范围的确唔够，不过无论如何，拿格Sir短时间内准备齐晒Plan A同Plan B，即使德国队出局但有如此好表现，佢仍然系功不可没。Willhappy

關鍵字