郑秀文演唱会丨第二场再有新造型！与林家谦台上笑嗌表姐弟 即场玩拆盲盒
2024-07-14 17:15 
天后郑秀文Sammi昨晚在红馆举行第二场「You & Mi 郑秀文世界巡回演唱会2023」，继头场以多个造型靓相后，昨晚第二场再有新衫，以「白色小飞鸟」造型登场，欢迎表演嘉宾林家谦，二人手拖手边走边唱《亲密关系》，全场起哄。
相关阅读：郑秀文演唱会丨13个造型逐个睇！20万颗水晶人手镶嵌闪爆 奇特造型被狠批似打大佬
郑秀文在台上笑问林家谦岁数后称他做「表弟」，然后二人在台上以「表姐」和「表弟」相称，有说有笑。郑秀文对林家谦说：「呢个演唱会原本喺旧年举行，嗰时邀请你，好快就答应做我嘉宾。其实我今年再搵嘉宾都好惊，因为邀请咗人哋之后自己挞咗Q，人哋预晒时间，我内心好抱歉。今次再胆粗粗搵林家谦，点知又一口答应，真系好多谢你！」还即场邀歌，家谦亦一口答应，Sammi兴奋地说：「你应承咗架啦 ，哈哈，我公器私用！」
然后林家谦送郑秀文小礼物，他说：「其实唔系好贵重嘅嘢，出边应该未入到货，我喺Pop up店买冇货，呢个我上网买，系一个『Inside Out』（电影）嘅盲盒。」郑秀文开心说：「多谢，我最近首歌叫《盲盒》呀！」林家谦说：「我觉得啱你首歌，同埋『盲盒』呢个意思好好，我哋每人每一日瞓醒嘅都好似抽盲盒，因为遇到嘅事情、情绪都预计唔到，无论抽阿乐、阿怒、阿尴都好，都希望你好好拥抱每种『脑朋友』。每种情绪都可以令我哋感觉到自己嘅存在，然后好好咁过每一日。」Sammi大赞：「讲得好，多谢表弟！」
相关阅读：郑秀文演唱会丨许志安唱到一半歌迷先识起哄！狂换靓衫似时装展 感动位搞喊锺楚红
郑秀文演唱会丨首场13造型逐个睇！
林家谦本来请郑秀文返后台拆盲盒后告诉他抽到甚么，点知郑秀文爽快即场拆，还搞笑地将包装纸丢到地上，林家谦连忙执起，全场大笑。结果揭晓郑秀文抽到红色「阿燥」，林家谦笑说：「啱晒你啦，你头先咁样！」然后学她丢垃圾纸到地上。郑秀文即刻变乖，说：「好，我收敛，好好控制自己嘅情绪。」林家谦说：「收埋佢，唔好爆出嚟！」还吩咐她带埋包装纸垃圾返后台。
之后林家谦演唱郑秀文经典金曲《冲动点唱》，还改了一句歌词变成「原来是我冲动翻唱」，全场欢呼。Encore 环节，Sammi演唱《盲盒》 、《如果我们不再见》和《我们都是这样长大的》。她说：「嚟到第二场，一切紧张和拘谨都抛开晒，多谢你哋入场。」她笑指观众随著年纪变大，嗌「encore」和「Sammi」的声音都变弱，叫观众多做运动，还展示手臂结实的「老鼠仔」，得戚地说：「睇唔出我就嚟52岁？犀利？应承我，一齐变老，好唔好？」全场观众大叫「好」！
另外昨晚Sammi好友张衞健、导演谷德昭、温碧霞与丈夫何祖光、少爷占、陈敏之、DJ主持西瓜与杰杰等捧场，开骚前众人在后台，与Sammi一比一人型纸板打卡，又玩夹盲盒扭蛋，非常欢乐。
郑秀文演唱会丨哪些艺人好友睇头场？
其他文章：
最新回应