森美分享简单秘诀：唔好令小朋友惊读书 育成IB榜眼女儿 医科儿子 丨独家

森美孻女梁曦童今年IB考获44分，成为IB榜眼；大仔梁曦乐年前亦喺英国嘅A-Level课程取得4科A*，以高材生姿态返港入读港大「神科」医学系。能够培育一对子女成为学霸，森美分享独门育儿细节，他坚持唔使PUSH，首要对小朋友有正面回馈，就算唔合格都要赞，以退为进畀到佢哋信心：「细路读书好重要，唔好令佢哋惊读书！」采访：方骞平 摄影：朱伟彦 场地：Oyster Station

阿女咁叻，森美狂扫美味生蚝低调「庆功」。

50岁嘅金牌司仪森美出身自基层家庭。

小朋友肯读书，作为父母会有个安心。

森美靠苦读成材。

森美教导子女会以退为进。

森美系古董电单车发烧友。

患有过度活跃症嘅森美，当年会考以1A5B，共25分考上中大新闻和传理系，加埋名校出身嘅靓老婆Veronica被赞一屋叻人，森美却唔敢夸赞仔女好叻：「只系小朋友肯读书，作为父母会有个安心，但唔会冇担心，呢几日为咗讨论选科及未来路向，妈咪紧张咁问多两句，个女都会唔开心，两母女有吵架㗎，我就纠正个女『就算成绩好，都唔可以对父母态度唔好。』其实每个家庭唔会所有嘢都好，正如自己以前都好任性，觉得读大学唔系一切，唔肯着大学袍同父母影毕业相，𠵱家长大咗会有啲后悔。」

就读圣保罗男女中学嘅森美孻女梁曦童(左后1)，今年IB考获44分。

森美女儿梁曦童(左1)好享受读书。

圣保罗男女中学诞生1名取得45分满分的状元，及11名取得44分的「榜眼」，当中包括森美的女儿梁曦童（后排左1）。

圣保罗男女中学今年诞生多位尖子生。(相片来自学校网页)

森美女儿梁曦童成绩骄人。(来自学校网页)

读紧医科嘅森美长子梁曦乐，有意成为急症专科医生。

因为家境问题，森美中3时返出去九龙转校读喇沙书院。

森美靓老婆Veronica都系名校德望生。

读大学一年级时嘅森美。

有快乐就搵到钱

 

目前森美放手畀囡囡决定去英国剑桥大学读心理学还是留港读医：「妈咪梗系想佢留低，可以见佢多啲，我反而建议佢选修音乐，佢由细到大都锺意音乐，牧童笛及长笛考上演奏级；敲击乐就读到8级，有啲嘢唔系用钱去衡量，搵到自己锺意嘅嘢最重要，拥有快乐人生自然会搵到钱，咁样就系最幸福。」森美突然又有感而发，指喺学术上经已无能为力教导子女：「儿子成日会更正我讲嘅嘢，𠵱家只能教到佢哋做人，因为佢哋嘅缺点来自我身上，唔想佢哋都行冤枉路。」

2017年梁曦童(左1)成为「小太空人计划」其中一名小太空人。

森美将女儿「宠到上天」。

森美太太陈雅娴想囡囡留港读书。

两母女点亲近都会有嗌交时候。

森美太太陈雅娴带囡囡见识世界。

 

唔合格都要鼓励

 

谈到独门育儿法，他认为小朋友首要条件唔好惊咗读书，并以女儿为例，她由细到大会自动自觉勤力读书，除咗用唔同颜色笔将笔记写到好靓，仲会冲杯茶摆好张枱，要有个好嘅学习环境，将读书变成一种生活享受，唔会考试前才临急抱佛脚：「我唔会Push仔女死读书，只会以退为进话『唔使攞满分，咁高分唔会知道自己错啲乜，有80分经已拍烂手掌』；囝囝试过中文科得50分，我就赞佢『合格都ok呀，咁想唔想再高啲分？想嘅话仲争咗啲乜呀？』即使唔合格，我都会鼓励佢『差1分合格都唔错呀！想唔想攞埋嗰1分？咁还欠啲乜？』就算只得20分，也说『都有分呀...』用呢个方向教导会较好，企喺佢哋立场提出问题，感觉系锡佢哋，唔系吩咐佢哋做啲乜，佢哋既听得入耳，又唔会破坏父子关系。」

梁曦童小学就读圣保罗男女中学附属小学。

森美话个仔性格最似他。

森美儿子梁曦乐赴英求学后，成绩突飞猛进。

森美儿子梁曦乐、孻女梁曦童都系学霸。

「O嘴」小学生似他

 

他又建议家长们因应小朋友特点来学习，唔好介意古怪行为：「我专注力失调会行来行去读书，越嘈嘅地方，比如喺酒楼，就越集中到精神读到书，好记得喺厕所读书曾俾阿妈闹。」森美尤其提醒家长切忌打闹问子女「做晒啲功课未？」：「咁样佢哋每次做功课都唔快乐，只会越做越求其，我经常讲笑话『唔好急最紧要快』，心情急求其做，同用心快做好唔同，心急做系唔会享受到做功课嘅快乐。我中一去咗圣士提反书院寄宿，因为冇嘢做，成日坐喺书枱度画功课，点知越画越高分，越觉得做功课好开心，从中吸取到知识，第一年考全级15名，才察觉自己原来识读书，自然对自己有要求，会畀心机去读，所以要对小朋友有正面回馈，对佢有信心大于分数高低，要教佢哋做人，要对自己有要求，就算读唔到书都要尽过力。」另外，对于爆红嘅油天小学生「O嘴」片，森美形容小朋友好可爱：「𠵱家做小学生唔容易，片中表示『读书系我本份』嘅陈同学打官腔都几叻，将来系公关人才，会有领导才能，至于后面『O嘴』同学仔系我细个嘅翻版。」

森美大赞3位油天小学生可爱到不得了。

森美扮油天「O嘴」小学生。

森美太太陈雅娴系索爆人妻。

太太系持家有道嘅贤妻。

森美指太太爱他多过爱自己。

两公婆好SWEET。

森美老婆陈雅娴系童星出身。

陈雅娴系可爱小童星。

父亲系退休消防队，当年将3成收入供森美读寄宿名校。

森美在《同居蜜友》与梁朝伟有对手戏。

森美在《过街英雄》中做男一。

森美是城中的金牌主持人。

森美唔再push自己做太多嘢。

去奈良喂鹿。

近年森美处半退休状态。

森美爆老婆唔畀佢退休。

去日本旅行期间，森美坐低等老婆shopping。

森美系滑雪高手。