陈瑞辉36岁正日生日 女友Christy以长文反击黑历史 称一直以来设局捉「鬼」

MIRROR成员Frankie陈瑞辉（皮皮）早前成话题人物，除其圈外女友Christy的黑历史愈揭愈多，Frankie 亦被爆出轨风波，导致形象插水，就连江𤒹生（AK）、沈殷怡亦被拖落水。今天(29日)适逢是皮皮的36岁生日，其女友Christy亦送上厚礼，将IG由私人转为公开，并加添了「黑历史 」的精选动态，以2千字长文大反击，综合4点澄清被诬蔑的「黑历史」，但未几又将ig 帐户变回私人。

Christy 将一系列旧Story集合，表示：「记得click埋入去睇我嘅黑历史，以后唔使旨意再改我图诬蔑我，扭曲事实带风向误导其他人。」第一点，Christy说︰「1）首先我要向所有受影响人士致歉。呢件事要由2021年9月13号讲起，朋友告知我被人放上TG Group同连登，内容系诬蔑，指我锺意抢朋友嘅男朋友，中学生活淫乱，等等。而我留意到某啲照片，系我Ig早已删除，所以我肯定系身边熟人做。由2021年9月到12月，间中都会再被人偷我泳衣相、跳舞相放上网抹黑、收到骚扰电话及讯息、扮我嘅假Account等等。」

自从公开Frankie女友身份后，就不断有关于Christy的黑历史出现。

Frankie这几个月主力拍剧，都没有公开露面。

Christy说近几个月出现了不少冒认她的假account。

Christy 说自己睇show唔会倾偈，因为要专心拍片录俾佢睇。

Christy 直言呢几年都有人不停抺累他。

Christy被人话佢预知未来，其实发生咗之后先post。

第二点，Christy澄清表示︰「你哋见到的story，大部份都系假的： 2021年12月头，我透过跳舞朋友认识咗AK及Frankie，当时我有朋友提议『捉鬼』，所以就将普通对话图放上Ig close friend story。一开始，我同Frankie讲咗呢件事，佢应承帮我捉鬼。所以我有叫佢send相同录音畀我，令只鬼信我系同真嘅Frankie倾紧。所以解释到点解咁多对话都系无头无尾。去到2022年1月尾，只鬼终于流出咗几张cap图，而呢啲图都系由Frankie屋企人同朋友传番去佢度，但系佢冇解释，因为唔想打草惊蛇。呢个时候，我更想收窄close friend范围，放相上story引『鬼』cap图。朋友叫我， Ig close friend list每次只落一个，每日post捉鬼图，每日畀唔同人睇story，都配有唔同emoji，当水印咁。我就可以知道系边个抹黑自己。」她续说：「1月之后，就冇再有我捉鬼story流出，亦捉唔到只鬼，我之后亦将所有嫌疑人踢出close friend list。2022年5月及12月，连登再有post讲我，但系一张cap图都冇，所以我同Frankie以为事件已经告一段落。而我一直都有出story去影射只鬼，耻笑佢每次尝试抹黑我都唔成功，甚至提议佢要人信服不妨改下图同埋作得夸张啲。」而从Christy今次贴出的限时动态图片见与早前在网上流出的，Caption是有分别。

Christy 说有片话佢睇show倾偈，但拍片位置跟她坐的方向不一样。

有朋友教佢点样提鬼。

被公开Frankie女友身份后，是非开始不断上门。

Christy 将一系列旧Story集合。

Christy 说以后唔使旨意再改她的图诬蔑我。

Christy 认定一连串事件肯定系身边熟人做。

Christy曾将IG由私人转为公开，但未几又变回私人。

第三点，Christy表示直到今年6月，被公开Frankie女友身份后，对方又再行动，「佢忍到我公开自己系公众人物女朋友后，佢就放晒2年前嘅捉鬼story出嚟，有啲相系佢改咗图，亦有啲相系捏造出嚟。」Christy续说：「我发现佢有一个album，全部都系由我2020年到2024年嘅cap图。佢当年唔爆其他相，因为佢一直处心积虑，由原本净系想搞死我，去到而家夹埋外人，想搞死埋我男朋友及MIRROR。佢甚至夹埋其他fans、连登打手不断诬蔑我哋，又开几个分身扮fans带风向。万一佢发现仍然有人支持Frankie，就会批斗所有支持者。」她又说，「鬼」叫人到不同平台找出Christy的「黑历史」，Christy 更怀疑对方有收fans钱去卖她的story截图及透露Frankie行踪︰「我怀疑佢有收fans钱去买我嘅story，透露我男朋友行踪，我每次睇show都会被人偷拍放上佢哋围内嘅group讨论。因为我知只鬼仍然喺我Ig入边，所以我好多相唔会即时post，亦有问朋友攞相扮去旅行去误导只鬼。」

第四点，Christy表示在6月事件爆出后，诬捏情况更严重，「一大堆我唔识嘅人出嚟讲我点点点，又话我睇show倾偈，等等。媒体亦唔使factcheck任何嘢就出新闻：正如我口罩小姐原本系表演弹古筝，评判叫我再即兴表演其他嘢去拉票，冇准备情况底下先会表演lapdance，咁当然节目出街就净出咗lap dance嗰段。」她续说：「要去诬捏一个人真系好容易，所有嘢cut头cut尾加几张相同字就可以彻底毁咗一个人。我讲呢啲嘢，并唔需要你哋相信我，亦唔需要为自己平反，只系想交代返件事。最后有人问，你同只鬼有咩深仇大恨？我可以答你完全冇，佢2018年已经一直扮friend，2020年开始cap我图，佢将啲图post完上网之后仲走来叫我take care babe。」

对于对方的行为，Christy 推测是因为自己做过传销，而对方家人家人曾因做传销而被骗几十万，因此将仇恨投射到其身上，Christy说：「当佢知我俾前男友拉咗入去做之后，就投射个憎恨落我身上。我从来冇叫过佢买产品或者入去做，反而佢疫情期间，有畀钱叫我帮佢买产品。我当时做咗好短时间，亦因为拍咗三年拖嘅男朋友沉迷传销而分手。」

最后，对于被指看男友演出时不断聊天及举牌遮视线，Christy贴出自己拍的片段否认：「我当日系坐台下左手面，每次男朋友表演都会录低畀佢睇，畀佢知有咩可以改善所以唔会倾偈，而我拍片举牌都唔会举高过头，所以唔存在会挡住人哋视角。」