郑中基与女经理人风波惹揣测！称与余思敏好幸福 患抑郁症要停工接受戒酒疗程
2024-08-06 14:35 
郑中基（Ronald）日前突然于FB宣布与「机动娱乐」立即终止合作，原因是发现经理人何庆湘「工作及道德操守有问题」，与此同时，郑中基更指自己因情绪健康问题将会暂时休息，声明一出，事件惹来外界担心郑中基目前的状况，今日（6日）郑中基再发声明并指：「喺搞笑、娱乐大家嘅背后，发现咗有抑郁症，当时靠食药控制，然而我再次做咗个错误决定，选择咗饮酒去逃避现实。」
相关阅读：郑中基突宣布与经理人何庆湘终止合作！合作开YT频道4年大受欢迎：工作及道德操守有问题
郑中基再发声明坦承患上抑郁症并靠饮酒逃避：
郑中基早前突然宣布与经理人何庆湘终止合作后，再表示：「因个人情绪及健康问题，决定高雄演唱会后离开，好作休息，多谢大家一路支持。」事件惹来外界对郑中基健康和情绪的揣测，今日郑中基为自己的健康问题再发声明，全文如下：
大家好。
早前我发咗一个关于我公司同埋我健康嘅声明，引起咗好多朋友嘅关心亦引起好多嘅猜测。基于公司嘅事情系会如常运作，希望可以好好咁处理再次交代，唔想影响太多人。
今日我想讲一下我自己嘅问题。大家平时见到我大癫大肺、拍搞笑戏、开channel拍片、开演唱会，表面上好似无嘢咁。其实咁多年嚟我都仲系一个唔识得面对压力同埋唔成熟嘅人。仲记得2000年我因为喺飞机醉酒闹事，引致好多我嘅fans失望，仲有影响到我嘅家人，后来我决心戒咗酒，想要做一个清醒嘅人。之后喺冇向公众交代情况下，我经历咗一段好短嘅婚姻，呢段婚姻令到我好唔开心，亦好好咁反省过自己嘅问题。
直到我遇到我太太余思敏小姐，系佢令我觉得我要走入另一个人生阶段嘅人。我哋一起组织咗一个家庭，有两个小朋友，喺一件好幸福嘅事。但当面对压力、面对工作、面对人嘅时候，原来我自己嘅问题系冇彻底解决到，好多嘢我都未能做到好好去沟通，好多嘢我都冇处理好，令家人失望。
喺搞笑、娱乐大家嘅背后，系朋友建议下去咗睇医生，发现咗有抑郁症，当时靠食药控制，然而我再次做咗个错误决定，选择咗饮酒去逃避现实，太太都有同我讲，我系自己呃自己。压力终爆煲，用咗呢几日时间好好反省自己，工作忙唔系藉口，唔识沟通就要去学识沟通，我觉得好对唔住我屋企人，尤其是我太太同仔女，对唔住！ 我会用时间同行动去证明我会努力做好丈夫、爸爸同郑中基嘅呢个决心。
接下来我要去解决自己同公司嘅问题，我完成手上嘅工作后，太太会陪我去美国参加戒酒中心嘅疗程，都50几岁嘞，我要去谂清楚点样去面对自己，然后先可以面对大家，我希望返黎之后可以做一个更好嘅自己。呢几日占用咗大家嘅时间同埋媒体版面，好对唔住，我希望自己嘅问题真系可以自己去解决，多谢。
防止自杀求助热线：
「情绪通」精神健康支援热线：18111
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
赛马会青少年情绪健康网上支援平台「Open 噏」：http://www.openup.hk
其他文章：
郑中基预告将「离开」！透露有个人情绪及健康问题 与经理人何庆湘终止合作掀讨论
余思敏忽然贴金句讲男女感情问题 网民联想郑中基「浪子」旧情史
郑中基台北巡演泪崩 12岁女成最强应援 发声明澄清国内巡演假消息
郑中基演唱会丨古天乐惊喜现身全场疯狂欢呼 难得开金口郑中基预咗超时被罚
最新回应